பீச் போலீஸ் ஸ்டேஷனில் இருந்து வந்த போன் கால்.. கோர்ட் லீவு நேரத்துல சதி? புலம்பும் ஜூலி!

சென்னை: பிக் பாஸ் மூலம் பிரபலமானவர் ஜூலி சமீபகாலமாகத் தனது இன்ஸ்டாகிராம் பக்கத்தில் அரசியல் ரீதியான கருத்துக்களையும், குறிப்பாகத் தமிழக வெற்றிக் கழகம் கட்சிக்கு எதிரான விமர்சனங்களைபதிவிட்டு வருகிறார். இந்நிலையில், சென்னை பீச் காவல் நிலையத்தில் இருந்து தனக்கு விசாரணை சம்மன் வந்திருப்பதாகவும், தன் மீது வழக்குப்பதிவு செய்யப்பட்டுள்ளதாகவும் ஜூலி வெளியிட்டுள்ள வீடியோ இணையத்தில் பெரும் புயலைக் கிளப்பியுள்ளது.

கிட்னி விவகாரம் இல்லை: அந்த வீடியோவில், காலையில் பீச் காவல் நிலையத்தில் இருந்து என்னை விசாரணைக்கு ஆஜராகும்படி அழைத்தார்கள். நீங்க நினைக்கிற மாதிரி அது கிட்னி வழக்கிற்காக இல்லை. நான் ஏற்கனவே இரண்டு முறை கமிஷனர் அலுவலகத்திற்குச் சென்று புகார் கொடுத்து இருக்கிறேன். முதல் வழக்கை நீதிமன்றத்திற்குச் சென்று பார்த்துக் கொள்ளுங்கள் என்று சொல்லி திருப்பி அனுப்பி விட்டார்கள். இரண்டாவது புகாரை அவர்கள் கண்டு கொள்ளவே இல்லை, என்னிடம் விசாரணையும் நடத்தவில்லை.

Photo Credit:

julie instagram

என் மேல வழக்கு: ஆனால், சமீபத்தில் மெரினா பீச்சில் நின்றுகொண்டு, டிவிகே வல்கர் வாரியர்களால் பெண்களுக்குப் பாதுகாப்பு இல்லை என்று அணில் போட்டோ போட்ட போர்டைப் பிடித்துக் கொண்டு நின்றிருந்தேன். இன்னொரு பக்கம் 'DMK-வுக்கு ஓட்டுப் போடுங்க என்ற போர்டையும் பிடித்துக்கொண்டு நின்றேன். அதற்காகத்தான் இப்போது என் மீது வழக்குத் போட்டு ஸ்டேஷனுக்கு வரச் சொல்லி இருக்கிறார்கள். அன்று பீச்சில் வைத்து கடிதம் எழுதிக் கேட்டார்கள், நானும் எழுதிக் கொடுத்துவிட்டு தான் வீட்டுக்கு வந்தேன். ஆனால் இன்று ஃபோன் செய்து வழக்கு போட்டுள்ளதாகக் கூறுகிறார்கள்.

Photo Credit:

julie instagram

சனி, ஞாயிறு கோர்ட் லீவு: அலிஷா அப்துல்லா கம்ப்ளைன்ட் கொடுத்த அடுத்த நாளே திருச்சி சூர்யா, முக்தார் கைது செய்யப்பட்டார்கள். இது உண்மையிலேயே பாராட்டத்தக்க விஷயம், ஒரு பெண் துணிந்து கொடுத்த புகாருக்கு நடவடிக்கை எடுத்திருக்கிறார்கள். ஆனால், எனக்காக நான் கொடுத்த புகாருக்கு ஆக்ஷன் எடுங்கள் என்றால் அதுக்கு நடவடிக்கை எடுக்காமல், என் மீது வழக்கு போட்டு இருக்காங்க, சனிக்கிழமை, ஞாயிற்றுக்கிழமை நீதிமன்றங்கள் லீவாக இருக்கும் நேரத்தில் ஃபோன் செய்து வரச் சொல்லி இருக்கிறார்கள். ஆர்எஸ்எஸ், பிஜேபி காரர்கள் கூட இவ்வளவு கேவலமாக, கீழ்த்தனமாக நடந்துகொள்ள மாட்டார்கள். உங்கள் ஆட்சியை நினைத்தால் உண்மையிலேயே பயமாக இருக்கு.

ஜூலி எச்சரிக்கை: பெண்கள் யாராவது டிவிகே TVK கட்சிக்கு எதிராக வழக்குக் கொடுக்க நினைத்தால் முன்னாடியே யோசித்துக் கொள்ளுங்கள். நீங்கள் கொடுக்கும் வழக்கையெல்லாம் இந்த போலீஸ் எடுத்துக்கொள்ளாது. ஆனால், அதற்குப் பதிலாக உங்கள் மீது புதிதாக ஒரு வழக்கைப் போட்டு உங்களை உள்ளே தள்ளப் பார்ப்பார்கள் என்று மிகக் கடுமையான குற்றச்சாட்டுகளை முன்வைத்துள்ளார்.