ரியோவின் தலைமுடியை அப்படி கோதிய ஷிவானி.. எல்லாம் என்ன மேட்டர்னு தெரியுமா? இந்த வாரம் இருக்கு!

லக்சரி பட்ஜெட்டுக்காக

பிக் பாஸ் வீட்டில் வார வாரம் ஒரு சிறப்பான லக்சரி பட்ஜெட் டாஸ்க் வரும், போட்டியாளர்களின் திறமை, சண்டை, பிரச்சனை எல்லாமே அந்த டாஸ்க்கின் மூலமாகவே வெளி வரும். எந்த ஒரு சீசனிலும் இதன் ஆர்டர்களை மாற்றியோ, அல்லது புதிதாக ஒரு விஷயத்தையோ கொண்டு வராமல் அரைத்த மாவையையே திரும்ப திரும்ப அரைத்து வருகின்றனர். இந்த வாரம் ஃப்ரீஸ் டாஸ்க் லக்சரி பட்ஜெட் டாஸ்க்காக அமைந்துள்ளது.

பிக் பாஸ் ஐயா

லக்சரி டாஸ்க் என்ன என்பது ரியோ படித்த அந்த அறிவிப்பில் வெளியிடவில்லை. எல்லாரும் பிக் பாஸ் ஐயா என கெஞ்சி கேட்ட பிறகே சொல்வேன் என எழுதி அனுப்பிய பிக் பாஸை நோக்கி ஒட்டுமொத்த ஹவுஸ்மேட்களும் பிக் பாஸ் ஐயா என கெஞ்ச, அனைவரையும் ஃப்ரீஸ் செய்து பின்னர் ரிலீஸ் செய்த பிக் பாஸ் இந்த வாரம் ஃப்ரீஸ் டாஸ்க் என்பதை அறிவித்தார்.

முதல் பலிகடா

பிக் பாஸ் அறிவிப்பை தொடர்ந்து ஜாலியா கலாய்த்துக் கொண்டு சென்ற ரியோவை முதல் ஆளாக ஃப்ரீஸ் செய்தார் பிக் பாஸ். ரியோ வீட்டில் இருந்து ஆட்கள் வரப் போகின்றனரா? புரமோவில் காட்டவில்லையே என நினைத்த ரசிகர்களுக்கு, அது பிக் பாஸின் பிராங்க் என்பது பின்னர் புரிந்தது.

மாட்டிக்கிட்ட கேபி

ரியோவின் அருகே வந்த கேபி ஆடாமல் அசையாமல் நிற்கும் ரியோவை கிண்டல் செய்ய ஆரம்பிக்க, உடனே பிக் பாஸ் கேபியையும் ஃப்ரீஸ் செய்து விட்டார். இருவரும் ஃப்ரீஸ் ஆகி நிற்பதை பார்த்த ரம்யா பாண்டியன் இது ஃபன் என சொல்ல, ஆரியும் ரம்யாவும் சிரித்தனர். அங்கே வந்த ஆஜீத் மற்றும் ஷிவானி இருவரையும் சீண்டி பார்க்க ஆரம்பித்தனர்.

ஷிவானிக்கு தண்டனை

ரியோவின் தலையை கோதிய ஷிவானியை லூப் என சொல்லி பிக் பாஸ் தொடர்ச்சியாக ரியோவின் தலையை கோதும் தண்டனையை கொடுத்து விட்டார். இன்னும் கொஞ்ச நேரத்தில் அம்மா வந்து பிளக்கப் போவது தெரியாமல் ஷிவானி ஜாலியாக சிரித்துக் கொண்டே ரியோவின் தலையை கோதினார். ஆஜீத் குறுக்கும் நெடுக்கும் நடந்து கொண்டு இருந்தார்.

காத்துல என்ன பண்ணுது

மேலும், ரியோவை ரிலீஸ் பண்ண பிக் பாஸ், ஷிவானியை காத்துலயே முடியை கோத விட்டு விட்டார். ஷிவானி காத்துல கை வைத்து பண்ணுவதை பார்த்து மொத்த ஹவுஸ்மேட்களும் கலாய்த்து சிரிக்க ஆரம்பித்தனர். இப்படி ஜாலியாக ஆரம்பித்த ஃப்ரீஸ் டாஸ்க்கில் என்ன என்ன புயல்களும், கண்ணீர் மழைகளும் வரப் போவது என்பதை பார்ப்போம்.