இவங்க..பிக்பாஸ் சீசன் 4 ஜூலியா.. அனிதாவை பங்கமாக கலாய்க்கும் நெட்டிசன்ஸ் !

அந்த வார்த்தையை

பிக்பாஸ் என்னதான் புது புது டாஸ்க்குகளை போட்டியாளர்களுக்கு கொடுத்தாலும் அனிதா மட்டும் இன்னும் சுரேஷ் சொன்ன அந்த வார்த்தையை மட்டுமே வைத்துக்கொண்டு சீன் போட்டு வருகிறார்.

செய்தி வாசித்து காட்டி

பிக்பாஸ் தொடங்கிய இரண்டாம் நாள் மாலை நேரத்தில் எதர்ச்சியாக உட்கார்ந்து பேசிக்கொண்டிருக்கும்போது அனிதா சுரேஷை மையமாக வைத்து செய்திவாசிப்பது போல வாசித்துக்காட்டி அனைவரையும் ஆச்சரியத்தில் ஆழ்த்தினார்.

தன்னைப்பற்றி செய்தி

இதை பார்த்து அருகில் உள்ள மற்ற போட்டியாளர்களும் அனிதாவை கைத்தட்டி பாராட்டிய நிலையில் சுரேஷும் தன்னைப்பற்றி செய்தி வாசிப்பது போல வாசித்து காட்டிய அனிதாவை பாராட்டி கூறியிருந்தார்.

தாம் தூம் என குதித்து

இதற்கிடையில் சுரேஷ் அனிதாவை பார்த்து செய்தியாளர்கள் வணக்கம் சொல்லும்போது எச்சில் தெறிக்கும் என்ற வார்த்தையே சொல்ல அதனால் மனமுடைந்த அனிதா எந்த பிரச்சினை வந்தாலும் இதை முதலில் கையில் எடுத்துக் கொண்டு தாம் தூம் என குதித்து வருகிறார்.

டாஸ்க்கை கொடுத்த

இந்நிலையில் பிக்பாஸ் அனைத்து போட்டியாளர்களும் தங்களது சொந்த வாழ்க்கையில் நடந்த விஷயங்களைப் பற்றி பகிர்ந்துகொள்ள வேண்டும் என்ற டாஸ்க்கை கொடுத்த நிலையில் அறந்தாங்கி நிஷா, சனம் ஷெட்டி, வேல்முருகன் உள்ளிட்டவர்களை தொடர்ந்து நேற்று ரியோ, கேப்ரில்லா ஆகியோர் தங்களது வாழ்க்கையில் நடந்த விஷயங்களைப் பற்றி பகிர்ந்து கொண்டனர்.

சலிப்பை ஏற்படுத்தியதோடு

இதற்கிடையில் சமையலறையில் அடிக்கடி முட்டிக்கொள்ளும் சுரேஷ் அனிதா, நேற்று நடந்த எபிசோடில் காரம் கொஞ்சம் தூக்கலாகவே இருந்தது. ஒரு கட்டத்தில் பொறுமை இழந்த அனிதா, சுரேஷ் தெரியாமல் சொன்ன அந்த வார்த்தையை மட்டும் விடாப்பிடியாக பிடித்துக்கொண்டு அவரை மரியாதை குறைவாக பேசி வருவது பிக்பாஸ் ரசிகர்களிடையே சலிப்பை ஏற்படுத்தியதோடு ‘இவங்க பிக்பாஸ் சீசன் 4 ஜூலியா என அனிதாவை பங்கமாக கலாய்த்து வருகின்றனர்.