கஸ்தூரிக்கு கட்டம் சரியில்ல.. வனிதாவையே வம்புக்கு இழுக்குறாங்களே.. பாவம் சேரன் வழக்கம்போல அதே அதே!

வாத்து வனிதா

ஆசிரியையான அவர் மாணவி வனிதாவை வாத்துப் பாடல் கூற அழைக்கிறார். அப்போது, ‘வாத்து.. வாத்துப் பாடல் பாட வாங்க வனிதா' என்கிறார். பார்க்கும் நமக்கே அவர் வனிதாவைத் தான் வாத்து என்கிறார் என்பது அப்பட்டமாகத் தெரிகிறது. வனிதாவுக்கு புரியாமல் இருக்குமா?

அடம் பிடிக்கும் வனிதா

உடனே வழக்கமான தனது வில்லி பார்வையை பார்த்து விட்டு, தன்னை வாத்து என அழைத்ததற்கு கஸ்தூரி மன்னிப்பு கேட்க வேண்டும் என அடம் பிடிக்கிறார் வனிதா. இந்த விவகாரம் சேரன் வரை கொண்டு செல்லப்படுகிறது. எல்லாத்துலயும் பிரச்சினையா என வழக்கம் போல் தலையை சொரிந்து கொண்டு சேரன் நிற்கிறார்.

சாண்டிக்கு தண்டனை

இந்த டாஸ்க்கில் சாண்டி ஏதோ சேட்டை செய்து விட்டார் போல, அவரை மட்டும் மற்ற மாணவர்களிடம் இருந்து பிரித்து தனியாக கீழே அமர வைத்துள்ளனர். மற்றபடி வனிதாவைத் தவிர மற்ற அனைவருக்கும் பள்ளி சீருடை நன்றாகவே பொருந்துகிறது. கனா காணும் காலங்கள் சீரியல் ஞாபகம் வருகிறது.

புதிய பட்டபெயர்

ஏற்கனவே தனக்கு வத்திக்குச்சி என தர்ஷன் பெயர் வைத்துள்ளது கமல் மூலம் வனிதாவிற்கு தெரிய வந்து விட்டது. இப்போது கஸ்தூரி வேறு வாத்து என புதிய பட்டபெயர் வைத்து விட்டார். இந்த வாரம் ஏற்கனவே கஸ்தூரி நாமினேசனில் இருக்கிறார். அப்போ அக்காவோட அடுத்த டார்கெட் கஸ்தூரி தான்ங்கறது சொல்லித்தான் புரிய வேண்டுமா?