'செல்லக்குட்டி... பெரிய பயணத்தின் ஆரம்பம் தான் இது'.. லாஸ்லியா பற்றி கவின் போட்ட சூசகப்பதிவு!

கேம் சேஞ்சர்

இறுதி நாள் நிகழ்ச்சியின் போது கவினுக்கு கேம் சேஞ்சர் எனும் விருது வழங்கப்பட்டது. ‘5 லட்சத்தை எடுத்துக் கொண்டு வராமல் இருந்திருந்தால் போட்டியின் முடிவு மாறியிருக்கலாம்" என கமல் சொன்ன போது, பார்வையாளர்கள் மத்தியில் பெரும் ஆரவாரம் ஏற்பட்டது. இது சேரன் உள்ளிட்ட அனைவருக்கும் ஆச்சர்யத்தையே ஏற்படுத்தியது.

மக்கள் ஆதரவு

அந்த அளவுக்கு பிக் பாஸ் தமிழ் 3 நிகழ்ச்சியின் முக்கிய போட்டியாளராக இருந்தவர் கவின். காதல் மன்னன், கடலை பார்ட்டி, நான்கு பெண்கள் விவகாரம் என கவினுக்கு எத்தனை கெட்டப் பேர்கள் இருந்தாலும், கடைசி வாரம் வரை அதிக வாக்குகள் பெற்று எவிக்டாகாமல் தப்பினார். இதற்கு காரணம் இளைஞர்களை கவின் வெகுவாக கவர்ந்தது தான்.

விலகிய கவின்

ஆரம்பத்தில் இருந்தே கவின் போட்டியில் இருந்து விலகும் மனப்பான்மையுடன் தான் பிக் பாஸ் வீட்டில் இருந்து வந்தார் என்பது அனைவரும் அறிந்தது தான். நண்பர்களுக்காக விட்டுக்கொடுக்க தயார் என்றே அறிவித்து வந்தார். அதன்படியே, நடுவிலேயே தானாக போட்டியில் இருந்து விலகிவிட்டார்.

கவினின் வாழ்த்து

இந்நிலையில் பிக் பாஸ் டைட்டில் வென்ற முகெனுக்கும், 2வது இடம் பிடித்த சாண்டிக்கும் கவின் வாழ்த்து தெரிவித்துள்ளார். முகென் மற்றும் சாண்டியுடன் கமல் இருக்கும் புகைப்படத்தை பதிவிட்டு, "செல்லக்குட்டி நான் ஏற்கனவே சொன்ன மாதிரி ஒரு மிகப் பெரிய பயணத்தின் ஆரம்பம் தான் இது. இன்னும் பெருசா, பெருசா, பெருசா வாங்க", என வாழ்த்தியுள்ளார்.

லாஸ்லியாவுக்காகவா?

ஆனால் கவினின் இந்த பதிவு லாஸ்லியாவுக்கானது என ரசிகர்கள் நினைக்கின்றனர். லாஸ்லியாவின் படத்தை நைஸாக தவிர்த்துவிட்டு, கவின் பூடகமாக வாழ்த்தியுள்ளார் என அவர்கள் கமெண்ட் செய்துள்ளனர். ஆனால் அதற்கு கவின் எந்த மறுப்பும் சொல்லவில்லை என்பது குறிப்பிடத்தக்கது.