Bigg Boss Tamil 6: டைட்டில் வின்னராக அசீமுக்கு தகுதியே இல்லை.. வெளுத்து வாங்கும் ஹவுஸ்மேட்ஸ்!

பெட்டி யாருக்கு

வரும் வாரம் பிக் பாஸ் வீட்டில் பணப்பெட்டி வைக்கப்படும் என எதிர்பார்க்கப்படுகிறது. அதற்கு அறிகுறியாக இந்த வாரமே பெட்டியை கொடுத்து ரச்சிதாவை வெளியே அனுப்பி உள்ள ப்ரமோ வெளியாகி உள்ளது. ரச்சிதா இந்த வாரம் வெளியேற உள்ள நிலையில், ஷிவின், விக்ரமன், அசீம், கதிரவன், அமுதவாணன், ஏடிகே மற்றும் மைனா பிக் பாஸ் வீட்டுக்குள் இருப்பார்கள். இதில், அதிகபட்சம் பணப்பெட்டியை மைனா நந்தினி அல்லது கதிரவன் எடுத்துச் செல்ல வாய்ப்புகள் இருப்பதாக எதிர்பார்க்கப்படுகிறது. சொல்ல முடியாது இவங்க நமக்கு டைட்டில் தர மாட்டாங்கனு சொல்லி அசீம் கூட பெட்டியை எடுத்துச் செல்லலாம்.

டைட்டிலுக்கு தகுதியே இல்லை

இந்த வார இறுதி எபிசோடை சுவாரஸ்யமாக்க கமல்ஹாசன் இந்த சீசனில் டைட்டில் வெல்ல இந்த போட்டியாளருக்கு தகுதியே இல்லை என யாரை நினைக்கிறீங்க என கேட்டதுமே மற்ற எல்லாருக்கும் தகுதி இருப்பது போலவும் அசீம் ஒருவருக்கு மட்டுமே தகுதி இல்லை என அதிகபட்சமான ஹவுஸ்மேட்கள் அடுக்கடுக்கான குற்றச்சாட்டுக்களை அவர் மீது அடுக்கும் காட்சிகள் 3வது ப்ரமோவில் வெளியாகி அசீம் ஆர்மியை கலங்க வைத்துள்ளது.

வச்சு செய்வேன்

அடுத்தவங்களை இரிடேட் பண்றது மாதிரி பேசுறாரு, வச்சு செய்வேன்னு மோசமான கேம் ஆடி வருகிறார் அசீம் அவருக்கு நிச்சயம் இந்த டைட்டில் வின்னர் ஆக தகுதியே இல்லை என விக்ரமன், ஷிவின், ஏடிகே, ரச்சிதா, மைனா உள்ளிட்ட ஹவுஸ்மேட்கள் சொல்லும் காட்சிகள் இடம்பெற்றுள்ளன.

ட்விஸ்ட் இருக்குமோ

ஆரம்பத்தில் அசீம் அதிக ஓட்டுக்களுடன் சேவ் ஆகி வந்த நிலையில், அவரது கேமை மாற்றவே பிக் பாஸ் டீம் சேவ் ஆர்டரை மாற்றி அமைத்தது என பலராலும் நம்பப்பட்டு வருகிறது. கடைசியில் அசீம் இந்த சீசன் டைட்டிலை தட்டித் தூக்கும் ட்விஸ்ட் இருக்குமோ என்றும் அசீம் ஆர்மியை ஒன்று திரட்டவே விஜய் டிவி இப்படியொரு வேலை செய்திருக்கிறது என்றும் கமெண்ட்டுகள் குவிந்து வருகின்றன.

கலைமகனே கலங்காதே

ஹவுஸ்மேட்ஸ் ஒருத்தர் ஒருத்தராக அசீமுக்கு இந்த சீசனுக்கான டைட்டிலை வெல்ல தகுதி இல்லை என சொல்ல சொல்ல அசீமின் முகம் அப்படியே வாடிப் போவதை பார்த்த அசீம் ஆர்மியினர் கலைமகனே கலங்காதே.. நாங்க இருக்கோம்.. உனக்கு ஓட்டுப் போட்டு டைட்டில் வின்னராக மாற்றுகிறோம் என கமெண்ட் போட்டு வருகின்றனர். எல்லாம் இன்னும் 2 வாரத்தில் தெரிந்து விடும். அதன் பிறகு டைட்டில் வின்னரை கூட சில மாதங்களில் பிக் பாஸ் ரசிகர்கள் மறந்து விட்டு அடுத்த சீசன் போட்டியாளர்களை திட்டவும் சப்போர்ட் செய்யவும் ஆரம்பித்து விடுவார்கள்!