இந்தி தான் தெரியும்.. தமிழில் எழுத தெரியாது.. நிஜமாவே இது தமிழ் பிக் பாஸ் தானா கமல் சார்?

மலையாள பிரச்சனை

பிக் பாஸ் தமிழ் நிகழ்ச்சி ஆரம்பித்து 6வது சீசன் நடைபெற்று வருகிறது. ஒவ்வொரு சீசனிலும் தமிழில் போட்டியாளர்கள் அதிகம் பேசாமல் ஆங்கிலத்திலேயே பேசி வருவது வழக்கம். இந்த சீசனில் ஆயிஷா மற்றும் ஷெரினா அதிகமாக மலையாளத்தில் பேசி வந்த நிலையில், ஞாயிற்றுக்கிழமை எபிசோடில் கமல்ஹாசன் அதனை வன்மையாக கண்டித்து ஷெரினாவுக்கு மலையாள எவிக்‌ஷன் கார்டை காட்டி வெளியே அனுப்பியது பெரும் சலசலப்பை ஏற்படுத்தியது.

ஆங்கிலம் அனுமதி

தென்னிந்திய மொழியான மலையாளத்துக்கு அனுமதி இல்லை. ஆனால், ஆங்கிலத்தில் பிக் பாஸ் வீட்டில் பலரும் மணிக்கணக்கா பேசலாம். பிக் பாஸ் என நிகழ்ச்சியின் பெயரே ஆங்கிலத்தில் இருக்கலாம். அதற்கெல்லாம் எந்தவொரு தடையுமில்லையா கமல் சார் என ஏகப்பட்ட விவாதங்களும் விமர்சனங்களும் சோஷியல் மீடியாவில் கிளம்பி உள்ளன.

தமிழில் எழுத சொன்ன மைனா

இந்நிலையில், இன்னொரு பிரச்சனை கிளப்பி விட்டு இருக்கிறார் மைனா நந்தினி. பிக் பாஸ் வீட்டில் தமிழில் தான் எழுதி காட்ட வேண்டும் என இந்த வார தலைவியான மைனா நந்தினி வைத்த அருமையான முன்னெடுப்பிற்கு எந்தவொரு சக போட்டியாளரும் சம்மதம் தெரிவிக்காமல் கிண்டலாக பேசியது ரசிகர்களை அதிர்ச்சியில் ஆழ்த்தி உள்ளது.

இந்தி தான் தெரியும்

அய்யய்யோ தமிழில் எழுத தெரியாது என பிக் பாஸ் ஹவுஸ்மேட்கள் அலறியடித்து ஓட, சிலர், எங்களுக்கு இந்தியில் தான் எழுத தெரியும் தமிழில் எழுத தெரியாது என ஓப்பனாகவே பேசியிருப்பது. உண்மையாகவே இது தமிழ் பிக் பாஸ் நிகழ்ச்சி தானா? என்கிற கேள்வியை எழுப்பி உள்ளது.

கமல் இதையும் கேட்பாரா

பிக் பாஸ் ரியாலிட்டி ஷோவுக்குள் தேவையில்லாமல் மொழி அரசியலை கொண்டு வரக் கூடாது. அப்படி மொழி அரசியலை முன்னிறுத்தினால் தேவையில்லாத சர்ச்சைகளும், விமர்சனங்களும் சமூகவெளியில் இருந்து எழத்தான் செய்யும். தமிழ் தெரியாது என வெளிப்படையாக சொல்லும் போட்டியாளர்களை எதற்கு பிக் பாஸ் நிகழ்ச்சியில் தேர்வு செய்யுறீங்க என ரசிகர்கள் விளாசி வருகின்றனர். மலையாள பிரச்சனையை கையில் எடுத்த கமல் இந்த வாரம் இதையும் கேட்பாரா? என்றும் கேள்விகள் பறக்கின்றன.