Bigg Boss Tamil 6: மைனோவோட கம்மி.. இந்த வாரம் வெளியேறிய ரச்சிதாவின் சம்பளம் எவ்வளவு தெரியுமா?

அப்பாடா முடியப்போகுது

எப்போ தான் இந்த சீசன் முடியுமோ என்கிற மனநிலைக்கே பெருவாரியான பிக் பாஸ் ரசிகர்கள் வந்து விட்டனர். அந்த அளவுக்கு இந்த சீசன் வொர்ஸ்ட் சீசனாகவே மாறிவிட்டது. விஜய் டிவியே அதிரடியாக குக் வித் கோமாளி அடுத்த சீசனை கொண்டு வர உள்ளனர். இங்கே இருந்து எஸ்கேப் ஆன ஜிபி முத்து அதில் வந்து கலக்க உள்ளார்.

பலியாடு ரச்சிதா

இந்த வாரம் ரச்சிதா தான் பிக் பாஸ் வீட்டில் இருந்து அந்த காரில் ஏறி புறப்பட்ட போட்டியாளர் என்கிற தகவல் வரை சமூக வலைதளங்களில் ஷூட்டிங் முடிந்த மறுகணமே லீக் ஆகி விட்டது. ஆனால், அதற்கு முன்னதாகவே அமுதவாணனுக்கு டிக்கெட் டு ஃபினாலே கொடுத்த நிலையிலேயே ரச்சிதா தான் இந்த வாரம் பலியாடு என தெரிந்து விட்டது குறிப்பிடத்தக்கது.

ரசிகர்கள் அதிர்ச்சி

பிக் பாஸ் வீட்டில் கடைசி வரை பொறுமையை கடைபிடித்து விளையாடி வந்த ரச்சிதாவை இறுதி வாரம் வரையாவது வைத்திருக்கலாம். அவர் டாப் 5 போட்டியாளர்களில் ஒருவர் தான். ஆனால், அவரை இவ்வளவு விரைவாக அனுப்பியது தவறு என ரசிகர்கள் அதிர்ச்சி அடைந்துள்ளனர். ஏடிகே, மைனா இருவரில் ஒருவரை இந்த வாரம் பிக் பாஸ் வீட்டில் இருந்து அனுப்பி இருக்கலாம் என ரசிகர்கள் கமெண்ட் போட்டு வருகின்றனர்.

சம்பளம் எவ்வளவு

பிக் பாஸ் வீட்டில் முதல் நாளில் இருந்தே ரச்சிதா விளையாடி வருகிறார். ஒரு நாளைக்கு அவருக்கான சம்பளம் 28 ஆயிரம் ரூபாய் என தகவல்கள் வெளியாகி உள்ளன. 91 நாட்கள் பிக் பாஸ் வீட்டில் இருந்த நிலையில், சுமார் 26 லட்சம் ரூபாய் தொகையுடன் பிக் பாஸ் வீட்டில் இருந்து ரச்சிதா வெளியேறி உள்ளதாக கூறுகின்றனர்.

மைனாவுக்கு அதிகம்

ரச்சிதா லீடு ரோலில் நடித்த சரவணன் மீனாட்சி சீரியலில் அவரது தோழியாக அறிமுகமான மைனா நந்தினி தனது முயற்சியால் விஜய் டிவியில் மிகவும் பிரபலமான நிலையில், ரச்சிதாவை விட அதிகமாக சம்பளம் வாங்கி வருகிறாராம். மைனா நந்தினி ஒரு நாளைக்கு 30 ஆயிரம் ரூபாய் சம்பளமாக வாங்கி வருவதாக கூறுகின்றனர்.