twitter
    For Quick Alerts
    ALLOW NOTIFICATIONS  
    For Daily Alerts

    Bigg Boss Tamil 6: பிக் பாஸ் டைட்டில் வின்னர் அசீமுக்கு 50 லட்சத்துடன்.. சொகுசு காரும் பரிசு!

    |

    சென்னை: பிக் பாஸ் தமிழ் சீசன் 6ன் டைட்டிலை அசீம் தட்டிச் சென்றார். அசீமின் பெற்றோர்கள் மேடை ஏறி அசீம் பற்றி பாராட்டி பேசினார்கள். 50 லட்சம் ரூபாய் பரிசுத் தொகை மட்டுமின்றி இன்னொரு பரிசும் கிடைத்துள்ளது.

    ஷிவின், விக்ரமன் மற்றும் அசீம் மூன்று பேரில் யார் டைட்டிலை வெல்வார்கள் என கடந்த ஒரு வாரமாக ஏகப்பட்ட தகவல்கள், வதந்திகள் என பல விஷயங்கள் ரசிகர்களை போட்டு குழப்பி வந்தன.

    விக்ரமனுக்கு ஒரு பக்கம் பெரிய ஆதரவும் அசீமுக்கு மறுபக்கம் பெரிய ஆதரவும் கிடைத்து வந்த நிலையில், விக்ரமனை வீழ்த்தி அசீம் பிக் பாஸ் தமிழ் சீசன் 6 டைட்டிலை தட்டித் தூக்கி உள்ளார். பிக் பாஸ் டைட்டில் வின்னர் அசீமுக்கு ரூ. 50 லட்சம் பரிசுத் தொகையை விஜய் டிவியின் முக்கிய நிர்வாகிகள் மேடையில் வழங்கி சிறப்பித்தனர்.

    3 கோடி பேர்

    3 கோடி பேர்

    பிக் பாஸ் நிகழ்ச்சியை இந்த சீசனில் 30 மில்லியன் பேர் அதாவது 3 கோடி பேர் பார்த்துள்ளதாக விஜய் டிவியின் தலைமை நிர்வாகிகள் கூறிய நிலையில், விஜய் டிவி ரசிகர்கள் பிக் பாஸ் நிகழ்ச்சியை இத்தனை கோடி பேர் பார்த்து வரும் நிலையில், பலரும் அதிகபட்சமாக அசீமுக்கு ஓட்டுப் போட்டு வெற்றியடைய செய்துள்ளனர்.

    அசீம் வின்னர்

    அசீம் வின்னர்

    பிக் பாஸ் தமிழ் சீசன் 6ன் உண்மையான வெற்றியாளர் அசீம் தான் என கமல்ஹாசன் கடைசியாக அசீமின் கையை உயர்த்தி அவருக்கு வெற்றிக் கோப்பையை பரிசாக அளித்து டைட்டில் வின்னர் அசீம் என அறிவித்தார். அசீம் வெற்றி பெற்றதை அறிந்ததும் சந்தோஷத்தில் கத்தி கூச்சலிட்டார்.

    விக்ரமன் விரக்தி

    விக்ரமன் விரக்தி

    கடைசி வரை போராடுபவர்கள் போராடிக் கொண்டே தான் இருக்க வேண்டும் எனக் கூறி வெற்றியை தவறவிட்டதை எண்ணி வருத்தப்பட்டு விக்ரமன் விரக்தியில் பேசிய வார்த்தைகள் அவரது ரசிகர்களை ரொம்பவே துயரத்தில் ஆழ்த்தி உள்ளது. விக்ரமன் தான் உண்மையான வெற்றியாளர் விஜய் டிவி மோசம் செய்து விட்டது என ஹாஷ்டேக் எல்லாம் போட்டு தூற்றி வருகின்றனர்.

    50 லட்சம் பரிசு

    50 லட்சம் பரிசு

    வெற்றி பெற்ற அசீமுக்கு விஜய் டிவியின் உயர் அதிகாரிகள் மேடைக்கு வந்து 50 லட்சம் ரூபாய் பரிசுத் தொகையை வழங்கினர். அசீமின் குடும்பத்தினர் மேடை ஏறிய நிலையில், அசீமின் அப்பா அசீம் ஒரு முறை தனது வெற்றியை நண்பனுக்காக விட்டுக் கொடுத்த கதையை சொல்லி நெகிழ்ந்தார்.

    சொகுசு கார் பரிசு

    சொகுசு கார் பரிசு

    வெறும் 50 லட்சம் பரிசுத் தொகை மட்டுமின்றி வெற்றி பெற்ற அசீமுக்கு இந்த முறை பிக் பாஸ் போட்டியாளர்கள் எவிக்ட் ஆனதும் அவர்களை வீட்டுக்கே கொண்டு விட்டு வந்த கிராண்ட் விட்டாரா சொகுசு காரையும் பரிசாக வழங்கி அசீமை உற்சாகத்தில் ஆழ்த்தி உள்ளனர். இந்த சீசனுக்கான டைட்டில் வின்னர் செம சந்தோஷத்தில் பேசிய பேச்சு அவரது ஆர்மியினரை உற்சாகத்தில் ஆழ்த்தியது.

    English summary
    Bigg Boss Tamil 6 Title Winner Azeem won 50 lakhs and Grand Vitara Car too at Bigg Boss Grand Finale Stage makes his fans and army very happy. Azeem surprised and enjoyed his victory moment very much.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X