லூசு மாதிரி கேள்வி கேட்காத.. நீ லூசு மாதிரி பேசாத.. விஜே மகேஸ்வரியிடமே எகிறிய தனலட்சுமி.. தெறி புரமோ

முறைக்கும் தனலட்சுமி

20 ஆயிரம் மக்கள் விண்ணப்பித்த நிலையில், அதில் இருந்து தேர்வான இருவரில் ஒருவர் டிக்டாக் பிரபலம் தனலட்சுமி. மற்றொருவர் திருநங்கை சிவின் கணேசன். நிகழ்ச்சி ஆரம்பித்ததில் இருந்தே ஒவ்வொரு விஷயத்துக்கும் தனலட்சுமி முறைப்பதை மட்டுமே கேமரா கண்கள் நன்றாகவே ஃபோகஸ் செய்து காட்டி வருகிறது. ரச்சிதா பயங்கர சத்தத்துடன் கத்திய பின்னரும், தன்னுடைய மார்க்கை விட அதிகம் ஆகிவிட்டாரே என முறைத்துக் கொண்டு இருந்தார்.

பிக் பாஸ்னு நினைப்பு

கமல்ஹாசனின் விக்ரம் படத்தில் ஒரே ஒரு சீனில் நடித்த விஜே மகேஸ்வரிக்கும் இந்த முறை வாய்ப்பு வழங்கப்பட்டுள்ளது. பிக் பாஸ் வீட்டுக்கு வந்தது முதலே பிக் பாஸே தான் தான் என்பது போல அனைவரையும் கலாய்த்தும், சண்டைப் போட்டும் தனது இருப்பைக் காட்டி வருகிறார் மகேஸ்வரி. நேற்றைய எபிசோடில் அசீம் மற்றும் திருநங்கை போட்டியாளர் சிவின் கணேசன் உடன் வாய்ஸ் ரைஸ் பண்ணி பேசியிருந்தார் மகேஸ்வரி.

இரண்டாவது புரமோ

இந்நிலையில், தற்போது வெளியாகி உள்ள இரண்டாவது புரமோவிலும் மகேஸ்வரி தான் சண்டையை ஆரம்பிப்பது போல காட்டப்பட்டுள்ளது. கஷ்டப்பட்டு சமைச்சிக்கிட்டு இருக்கோம், சாம்பார் ஏன் இப்போ வைக்கிறீங்க என கிச்சனில் வேலை செய்யாத தனலட்சுமி கேட்டதாக மகேஸ்வரி சவுண்டு விடுகிறார்.

லூசு சண்டை

லூசு மாதிரி கேள்வி கேட்கிறா என தனலட்சுமியை பற்றி விஜே மகேஸ்வரி பேசியதுமே, தனது முட்டக் கண்களை முறைத்தபடி வைத்துக் கொண்டு லூசு மாதிரி நீங்க பேசாதீங்க என விஜே மகேஸ்வரி என்றும் பாராமல் பதிலடி கொடுத்து பக்காவாக ஸ்கோர் செய்திருக்கிறார் தனலட்சுமி. தன்னுடைய குரலும் பெருசு தான் என ஏற்கனவே நிரூபித்த தனலட்சுமி சண்டைன்னு வந்துட்டா சும்மா விட மாட்டேன் என்பதை வெளிப்படுத்தி இருக்கிறார்.

நீ செய்றதெல்லாம் திங்க முடியாது

இது பிக் பாஸ் ஹவுஸ் இங்கே எல்லாமே காமன், இங்கே என்ன கிடைக்குதோ அதை வைத்துத் தான் சமைக்க முடியும், அதைத்தான் சாப்பிடணும் என விஜே மகேஸ்வரி சொல்ல, நீ செய்றதெல்லாம் திங்க முடியாது என பேச இருவருக்கும் இடையே பயங்கர மோதல் வெடித்துள்ளது. இன்னைக்கும் கச்சேரி இருக்கு என ரசிகர்கள் பிக் பாஸ் நிகழ்ச்சியை பார்க்க ஆவலுடன் காத்திருக்கின்றனர்.