Bigg Boss 7 Tamil Final LIVE: பிக் பாஸ் தமிழ் சீசன் 7 டைட்டிலை வென்றார் அர்ச்சனா!

பிக் பாஸ் தமிழ் 7 டைட்டிலை வென்றார் அர்ச்சனா! பிக் பாஸ் தமிழ் சீசனில் வைல்டு கார்டு என்ட்ரியாக உள்ளே நுழைந்த அர்ச்சனா பிக் பாஸ் டைட்டில் வென்றார். மணிசந்திரா ரன்னர் அப்பாக மாறியுள்ளார்.

மாயா வெளியேற்றம்! பிக் பாஸ் தமிழ் சீசன் 7 நிகழ்ச்சியில் 3வது இடத்தில் மாயா வெளியேறி உள்ளார்.

பிக் பாஸ் மேடைக்கு சென்ற 3 போட்டியாளர்கள்! மாயா, மணி மற்றும் அர்ச்சனா 3 பேரும் பிக் பாஸ் வீட்டில் இருந்து கிராண்ட் ஃபினாலே மேடைக்கு சென்றனர்

தினேஷ் வெளியேற்றம்!

டாப் 4 ஃபைனலிஸ்ட்டாக இருந்த தினேஷ் கிராண்ட் ஃபினாலேவில் விஷ்ணுவை தொடர்ந்து வெளியேறி உள்ளார். கடைசியாக பிக்பாஸ் வீட்டுக்குள் மாயா, மணி மற்றும் அர்ச்சனா உள்ளிட்ட மூவர் உள்ளனர்.

விஷ்ணு வெளியேற்றம்!

டாப் 5 ஃபைனலிஸ்ட்டாக இருந்த விஷ்ணு கிராண்ட் ஃபினாலேவில் முதல் நபராக வெளியேறினார்.

கமல் 237வது பட அறிவிப்பு!

பிக் பாஸ் கிராண்ட் ஃபினாலே நிகழ்ச்சியில் அன்பறிவ் மாஸ்டர்களை அறிமுகம் செய்து அவர்கள் இயக்கத்தில் கமல்ஹாசன் நடிக்கவுள்ள 237வது படத்தின் அறிவிப்பு வெளியானது.

போட்டியாளர்களுக்கு பரிசு வழங்கிய கமல்!

பிக் பாஸ் வீட்டில் இறுதிப்போட்டியாளர்களான 5 பேருக்கும் அவர்களின் நினைவுகள் அடங்கிய பிரத்யேக புகைப்படங்களை கையெழுத்துப் போட்டு வழங்கினார் கமல்ஹாசன்.

பிக் பாஸ் கிராண்ட் ஃபினாலே நிகழ்ச்சியை தவிர்த்த ஐஷு!

பிக் பாஸ் தமிழ் சீசன் 7 நிகழ்ச்சியில் ரெட் கார்டு கொடுக்கப்பட்ட பிரதீப் ஆண்டனியை நிகழ்ச்சிக்கு அழைக்கவில்லை. ஆனால், ஐஷுவும் இந்த நிகழ்ச்சிக்கு வராமல் புறக்கணித்து அர்ச்சனாவுக்கு பதிலடி கொடுப்பது போல ஒரு வீடியோவை வெளியிட்டுள்ளார்.

பிக் பாஸ் வீட்டுக்குள் சென்ற கமல்ஹாசன்!

பிக் பாஸ் வீட்டுக்குள் ஆடல் பாடல் கலை நிகழ்ச்சி நடக்க கமல்ஹாசன் உள்ளே நுழைந்ததும் போட்டியாளர்கள் பலர் கமல்ஹாசன் காலில் விழுந்து அவரை உற்சாகமாக வரவேற்றனர்.

பிக் பாஸ் கோப்பையை கையில் எடுத்த கமல்!

பிக் பாஸ் தமிழ் சீசன் 7 நிகழ்ச்சியின் டைட்டில் வின்னருக்கான கோப்பையை அறிமுகப்படுத்திய கமல் அந்த கோப்பையை நானும் தூக்கிப் பார்க்க ஆசைப்படுகிறேன் என கோப்பையை தூக்கிக் காட்டினார்.

பிக் பாஸ் வீட்டில் சிவாங்கி!

குக் வித் கோமாளி பிரபலம் சிவாங்கி பிக் பாஸ் வீட்டுக்குள் கோக் ஸ்டூடியோ பாடகர்களுடன் வந்து டாப் 5 ஃபைனலிஸ்டுகளுக்கு பாடல்களை பாடி காட்டி மகிழ்வித்தனர். மாயா “வா ரயில்விட போவோம்” பாடலை பாடி அசத்தினார்.

நான் நல்லா விளையாடினேன்!

பிக் பாஸ் வீட்டில் இருக்கும் 5 போட்டியாளர்களும் கமல் கேட்ட கேள்விக்கு பதில் அளித்தனர். அர்ச்சனா பேசும் போது 2 வாரம் கூட இருக்க மாட்டேன் என நினைத்தேன் என்றார். தினேஷ் பேசும் போது டாப் 5 இடத்தில் வந்தது பெரிய சந்தோஷம் என்றார். விஷ்ணு இந்த இடத்துக்கு வருவேன் என நினைத்து தான் வந்தேன் என்றார். மாயா பேசும் போது நான் நல்லா விளையாடினேன். நீங்க கொடுத்த டிப்ஸுக்கு நன்றி சார் என கமலுக்கு வணக்கம் வைத்தார்.

சோஷியல் மீடியா ட்ரோல் தொல்லை!

பிக் பாஸ் போட்டியாளர்கள் இந்த சீசனில் பெரிதும் சோஷியல் மீடியா ட்ரோலை பற்றியே கிராண்ட் ஃபினாலேவில் பேசியுள்ளனர். நேரில் உங்களை பார்த்தால் அப்படி பேசாமல் சிரிப்பார்கள் என கமல்ஹாசன் கூறினார்.

கானா பாலா, நிக்சன் பாடல்!

கமல் பேசியதும் கானா பாலா மற்றும் நிக்சன் பிக் பாஸ் போட்டியாளர்களை பற்றி பாட ஆரம்பித்தனர். ஒவ்வொரு போட்டியாளரும் பிக் பாஸ் போட்டியாளர் பற்றியும் அவர்கள் இருவரும் பாட பாட ஒவ்வொரு போட்டியாளரும் நிகழ்ச்சிக்கு கலர் கலர் உடையணிந்து வந்தனர்.

அதுதான் என் ஸ்ட்ராட்டஜி!

இதுவரை உள்ள சீசனில் பழைய தலைமுறை போட்டியாளர்கள் பங்கேற்றனர் என்றும் இந்த சீசனில் புதிய தலைமுறை போட்டியாளர்கள் பங்கேற்றனர் என கமல்ஹாசன் கிராண்ட் ஃபினாலே நிகழ்ச்சியில் பேசியுள்ளார். புதிய தலைமுறை போட்டியாளர்கள் ஏதாவது தவறு செய்தால் அது என் ஸ்ட்ராட்டஜி என்கின்றனர் என ஆரம்பத்திலேயே பொளந்து கட்டி நிகழ்ச்சியை தொடங்கி உள்ளார்.

பிக் பாஸ் கிராண்ட் ஃபினாலே ஆரம்பம்!

விஜய் டிவி மற்றும் டிஸ்னி பிளஸ் ஹாட்ஸ்டாரில் கிராண்ட் ஃபினாலே நிகழ்ச்சி தொடங்கி உள்ளது. பிக் பாஸ் சீசன் 7ன் போட்டியாளர்களான கானா பாலா உள்ளிட்ட பலரது கலை நிகழ்ச்சிகளுடன் நடைபெற்றுள்ள இந்த நிகழ்ச்சியில் கமல்ஹாசன் கருப்பு நிற உடையை அணிந்து கொண்டு கலக்கலாக நிகழ்ச்சியை தொகுத்து வழங்கி வருகிறார்.