பிக்பாஸ் சீசன் 5 ஆடிஷன் எப்படி நடக்குது தெரியுமா..இது வரை வெளிவராத சுவாரஸ்ய தகவல்

பிக்பாஸில் முதல் முறை

பிக்பாஸ் வரலாற்றிலேயே முதல் முறையாக தமிழில் தான் சாமானியர்களும் கலந்து கொள்ள வாய்ப்பு அளிக்கப்பட உள்ளதாம். பிக்பாஸில் கலந்து கொள்ள விரும்புபவர்கள் பின்பற்ற வேண்டிய நடைமுறைகளும் விளக்கி கூறப்பட்டுள்ளது. பிக்பாஸில் பங்கேற்பதற்கான முன்பதிவு 2 மாதங்களுக்கு முன்பே துவங்கப்பட்டுள்ளது.

என்ன தகுதி இருக்கணும்

பிக்பாசில் கலந்து கொள்பவர்கள் இந்திய குடிமக்களாக இருக்க வேண்டும். இதற்கான உரிய ஆவணங்கள் வைத்திருக்க வேண்டும். 18 வயதிற்கு மேற்பட்ட, குற்ற பின்னணி இல்லாதவராக இருக்க வேண்டும். நல்ல உடல் மற்றும் மனரீதியான ஆரோக்கியத்தை நிரூபிக்க சான்று வைத்திருக்க வேண்டும். தமிழில் நன்றாக பேச தெரிந்தவராக இருக்க வேண்டும். சமூக வலைதளங்களில் பலருக்கும் தெரிந்தவராகவும், அதிகமான ஃபாலோயர்சை கொண்டவராகவும் இருக்க வேண்டும்.

எப்படி முன்பதிவு செய்வது

1. முதலில் VOOT ஆப் டவுன்லோட் அல்லது www.voot.com/BiggBoss இணையதளத்தில் பதிவு செய்ய வேண்டும்.

2. அதிலுள்ள பிக்பாஸ் தமிழ் முன்பதிவு படிவத்தை பூர்த்தி செய்ய வேண்டும்.

3. அந்த படிவத்துடன், 3 நிமிடம் அல்லது 180 நொடிகளுக்கு மிகாமல் உங்களை பற்றிய வீடியோவை இணைத்து பதிவேற்றம் செய்ய வேண்டும்.

அப்புறம் என்ன நடக்கும்

நீங்கள் முன்பதிவு செய்த உடன் பிக்பாஸ் தமிழ் குழுவினர் எஸ்எம்எஸ் மற்றும் இமெயில் மூலம் உங்களை தொடர்பு கொள்வார்கள். போட்டியாளர்கள் தேர்வு பற்றிய விபரங்கள் தொடர்ந்து அப்டேட் செய்யப்படும்.

சுவாரஸ்யமான வீடியோ

ஆடிசனுக்காக அனுப்பும் 3 நிமிட வீடியோவில் உங்களின் திறமைகள் அனைத்தையும் தெளிவாகவும், சுவாரஸ்யமாகவும் சொல்ல வேண்டுமாம். மிக சுருக்கமாகவும், அனைவரையும் கவரும் விதமாக உங்களை பற்றிய அறிமுகம் இருக்க வேண்டுமாம். ஆடிஷன் வீடியோ தேர்வாகும் பட்சத்தில், அந்த நபருக்கு பிக்பாஸில் பங்கேற்க வாய்ப்பு அளிக்கப்படுமாம்.