ராஜமரியாதையுடன் வீட்டுக்குச் சென்ற போட்டியாளர்... பிக் பாஸ் சீசன் 6ல் நடந்த அடுத்த சர்ப்ரைஸ்

பிக் பாஸ் 95வது நாள்

அக்டோபர் 9ம் தேதி தொடங்கிய பிக் பாஸ் சீசன் 6 நிகழ்ச்சி, இறுதிப் பகுதிக்கு வந்துவிட்டது. 21 போட்டியாளர்களுடன் தொடங்கிய இந்த சீசனில், தற்போது அசீம், விக்ரமன், ஷிவின், கதிர், அமுதவாணன், ஏடிகே, மைனா என மொத்தம் 7 பேர் மட்டுமே பிக் பாஸ் வீட்டில் உள்ளனர். இவர்களில் அமுதா மட்டும் டிக்கெட் டு பினாலே டாஸ்க்கில் வெற்றிப் பெற்று இறுதிப்போட்டிக்கு சென்றுவிட்டார். அதனால் அவர் மட்டும் இந்த வாரம் எவிக்சன் நாமினேஷனில் இடம்பெறவில்லை என்பது குறிப்பிடத்தக்கது.

ரீ-என்ட்ரி கொடுத்த ஹவுஸ்மேட்ஸ்

இந்த வாரம் எவிக்சன் நாமினேஷனை தவிர வேறு எந்த டாஸ்க்கும் நடைபெறவில்லை. முதல் நாளில் பிக் பாஸ் பிரபலங்கள் அமீர், சுரேஷ் சக்கரவர்த்தி இருவரும் வீட்டுக்குள் என்ட்ரி கொடுத்து போட்டியாளர்களின் நிறை, குறைகளை சுட்டிக் காட்டினர். அடுத்ததாக விஜே பார்வதி, விஜே ஷோபனா இருவரும் பிக் பாஸ் வீட்டுக்கு வந்து சென்றனர். இதன் தொடர்ச்சியாக இந்த சீசனில் எவிக்சனான போட்டியாளர்கள் திரும்பவும் பிக் பாஸ் வீட்டுக்குள் என்ட்ரி கொடுத்தனர். அதன்படி ராபர்ட் மாஸ்டர், அசல் கோளாறு, ஜிபி முத்து ஆகியோர் தற்போது பிக் பாஸ் வீட்டில் உள்ளனர்.

மீண்டும் ஜிபி முத்து அட்ராசிட்டி

இந்நிலையில் இன்று முதல் ஆளாக தனலட்சுமி பிக் பாஸ் வீட்டுக்குள் அடியெடுத்து வைத்தார். அவரிடம் இருந்த பாம்-இல் ஒரு Sacrifice டாஸ்க் பற்றிய குறிப்பு உள்ளது. அதில் அமுதவாணனின் தலை முடியை கலரிங் செய்ய வேண்டும் என சொல்லப்பட்டுள்ளது. அதனையடுத்து அமுதாவின் தலைமுடியை மஞ்சள் நிறத்தில் கலரிங் செய்துவிடுகிறார்கள் ஹவுஸ்மேட்ஸ். இதனைப் பார்த்த ஜிபி முத்து அமுதவாணனின் தலைமுடியை பார்த்து கலர் கோழிக்குஞ்சு மாதிரி இருப்பதாக கிண்டல் செய்கிறார். நேற்று பிக் பாஸ் வீட்டுக்குள் அடியெடுத்து வைத்ததில் இருந்தே ஜிபி முத்துவின் அட்ராசிட்டி ரசிகர்களிடம் வரவேற்பை பெற்றுள்ளது.

ராஜமரியாதையுடன் என்ட்ரி

இந்நிலையில், 95வது நாளுக்கான இரண்டாவது ப்ரோமோ தற்போது வெளியாகியுள்ளது. அதில் கன்ஃபெஷன் ரூமில் இருந்து பிக் பாஸ் மாதிரி பேசுகிறார் மணிகண்டன். மைனா, ஏடிகேவை அவர் பாராட்டுவதை வைத்து, அது மணிகண்டன் தான் என ஹவுஸ்மேட்ஸ் கண்டுபிடிக்கின்றனர். அப்போதும் பிக் பாஸ் மாதிரியே பேசும் மணிகண்டன் ஸ்டோரில் இருக்கும் பூக்களை எடுத்து வந்து ராஜமரியாதையுடன் வரவேற்க வேண்டும் என கட்டளையிடுகிறார். அதன்படி ராஜமரியாதையுடன் பிக் பாஸ் வீட்டுக்குள் என்ட்ரி கொடுக்கிறார் மணி. மேலும் தான் வெளியே போனதில் இருந்து பிக் பாஸ் பார்க்கவே இல்லையென அவர் சொன்னது ரசிகர்களிடம் ஷாக்கிங்காக அமைந்துள்ளது.