இவங்களெல்லாம் போட்டியாளரா? சரியான முட்டாளா இருக்காங்களே.. விளாசிய நெட்டிசன்ஸ்!

லக்ஸரி பட்ஜெட் டாஸ்க்

பிக் பாஸ் வீட்டில் கடந்த வாரம், லக்ஸரி பட்ஜெட் டாஸ்கில், பத்து வயது மாணவனின் பாடபுத்தகத்தில் வரும் கேள்விகள் கேட்கப்பட்டன. இதில், மைனாவிடம் தமிழ் எழுத்துக்கள் எத்தனை என்று கேள்விக்கு 18 என்றார். தேசிய விலங்கு எது? என்ற கேள்விக்கு சிறுத்தை என்று கூறி தனலஷ்மி செம மொக்கை வாங்கினார்.

சரியான நோஸ் கட்

பிக்பாஸ் நிகழ்ச்சியின் இன்றைய எபிசோடுக்கான கடைசி ப்ரோமோ வெளியாகி உள்ளது. அதில், உங்க லக்ஸரி டாஸ்க் பார்த்ததும், என்னுடைய பயம், தாழ்வு மனப்பான்மை சற்று உயர்ந்துவிட்டது என போட்டியாளர்களை கிண்டலடிக்கும் வகையில் கமல் பேசினார். பாரதி எழுதுன மற்றொரு பாட்டு எனக்கு ரொம்ப பிடிக்கும் என்றார். ஆனால், இந்த பாடலை நான் எதிர்பார்க்கவில்லை என்றார் அசீம். அப்போது குறுக்கிட்டு பேசிய கமல் கேட்ட கேள்வியை விட்டுவிட்டு வேற கேள்விக்கு பதில் சொல்றீங்க என்று சிரித்துக்கொண்டே நோஸ் கட் கொடுத்தார்.

சரியான முட்டாளா இருக்காங்களே

இதையடுத்து, மைனா ஓடி விளையாடு பாப்பா பாடலை தப்பு தப்பா பாட என்ன செய்வது என்று தெரியாமல் குழம்பிப் போன கமல் ஆளைவிடுங்கப்பா சாமி, என்ன மாதிரியே இருக்கீங்க மைனா என்று அவரை கிண்டலடித்தார். இந்த எபிசோடைப் பார்த்த ரசிகர்கள் செம கடுப்பான நிலையில், தற்போது ப்ரோமோவை பார்த்து, இவங்களெல்லாம் போட்டியாளரா? சரியான முட்டாளா இருக்காங்களே என்றும், எல்லாருக்கும் சண்டைபோடவும் மேக்கப் போட மட்டும் தான் தெரிகிறது என்று நெட்டிசன்ஸ் விளாசி வருகின்றனர்.

வெளியேறுவது யார்

முன்னதாக காலையில் வெளியான முதல் ப்ரோமோவில், கமல் எவிக்சன் கார்ட்டை உள்ளே வைத்து விட்டு இனி இது எல்லாம் தேவையில்லை, குடவோலை முறையில் யார் தெரிவு செய்யப்படுகின்றீர்களோ அவர்கள் பேசாமல் வெளியே வந்து விடுங்கள் எனக் கூறுகிறார். அது யாராக இருக்கும் என்பதை பார்க்க ரசிகர்கள் பலரும் ஆவலாக உள்ளனர்.