போதும் முடியல ..அழுதுடுவேன்..பிக் பாஸ் ப்ரோமோவை பார்த்து கடுப்பான நெட்டிசன்ஸ்!

சொந்தக்கதை சோகக்கதை

இதையடுத்து, பிக் பாஸ் நிகழ்ச்சியின் நேற்றைய எபிசோடில், தங்கள் குடும்ப உறுப்பினர்களுக்கு கண்ணீருடன் கடிதம் எழுதினார்கள். அதில் ஷிவின் மற்றும் ரச்சித்தாவின் கடிதத்தை கேட்டு ரசிகர்கள் கண்ணீர் வடித்தார்கள். எப்போதும் சிரித்துக்கொண்டே இருக்கும் ரசித்தா நேற்று தனது மனதில் புதைத்துவைத்த சோகத்தை எல்லாம் அந்த கடிதத்தில் கொட்டித்தீர்த்து கதறி அழுதார். அவருக்கு பலரும் ஆறுதல் கூறி வருகின்றனர்.

80ஸ் கல்லூரி

நேற்று அழுகாச்சியாக சென்ற பிக்பாஸ் நிகழ்ச்சி இன்று 80ஸ் கல்லூரியாக மாறி உள்ளது. பேராசிரியர்களாக விக்ரமன், டான்ஸ் மாஸ்டராக அமுதவாணன் மற்றும் கதிர் ஆகியோர் நிகழ்ச்சியை என்டர்டைன்மென்ட்க்கு பஞ்சம் இல்லாமல் கொண்டு செல்கின்றனர்.

இரண்டாவது ப்ரோமோ

இதையடுத்து, இன்றைய நிகழ்ச்சிக்கான இரண்டாவது ப்ரோமோ வெளியாகி உள்ளது. அதில் ரச்சித்தா அழுதவாணனிடம் நடனம் கற்று வருகிறார். இதில், பேராசிரியராக இருக்கும் விக்ரமன் ரச்சிதாவுக்கு, உங்களுக்கு நல்ல திறமை இருக்கு எனக்கூறி நீங்க டான்ஸ் கத்துக்கோங்க என சொல்கிறார். உடனே ரச்சிதாவும், அமுதவாணனிடம் சென்று டான்ஸ் கற்றுக் கொண்டு ஆட ஆரம்பித்துள்ளார்.

முடியல அழுதுடுவேன்

இந்த ப்ரோமோவை பார்த்த நெட்டிசன்கள் கடுப்பாகி, ஏற்கனவே இரண்டாவது ப்ரோமோ இரண்டு மணிநேரம் லேட்டா வந்துச்சு இதுல இப்படி ஒரு மொக்கையா என்றும், கடந்த சீசனிலேயே இந்த டாஸ்க் செம கடுப்பாக இருந்தது. இந்த சீசனிலும் அதே மாவுதானே புதுசா கொஞ்சம் யோசிங்க பாஸ் முடியல ..அழுதுடுவேன் என பதிவிட்டுள்ளார்.