எல்லாமே ப்ரோமோவுக்காகத்தான்..போட்டியாளர்களை வெச்சி செய்யும் கமல்!

பிக் பாஸ் சீசன் 6

பிக் பாஸ் சீசன் 6 நிகழ்ச்சி இன்று சனிக்கிழமை என்பதால் கமலஹாசன் வருகைக்காக அவரது ரசிகர்கள் இப்போதே நிகழ்ச்சியை காண ஆர்வமாக உள்ளன. இந்த வாரத்தில் பிக் பாஸ் வீட்டிற்குள் நடந்த நிறை குறைகளை அலசி ஆராய்வதற்காக கமலை மாஸ் லுக்குடன் என்ட்ரி கொடுத்துள்ளார்.

சத்தம் அதிகமாகிறது

மற்ற நாட்களில் காலையிலேயே வெளியாகும ப்ரோமோ இன்று சனிக்கிழமை என்பதால் தாமதமாகவே அதாவது பிற்பகலுக்கு மேலே தான் முதல் ப்ரேமோ வெளியானது. இதில் முதல் ப்ரோமோவில் நல்ல விளையாட ஆரம்பிச்சாங்கனா சத்தமும் அதிகமாகுது, வெற்றிக்கும் சத்தத்திற்கும் சம்மந்தம் இல்லை என்பதை இவர்களிடம் சொல்லலாமா என்றார்.

எல்லாமே ப்ரோமோவுக்காகத்தான்

இதையடுத்து, தற்போது வெளியாகி உள்ள இரண்டாவது ப்ரோமோவில், இப்படி எல்லாம் செய்தால் தான் ப்ரோமோவில் வருவோம் என்று நினைத்துக்கொண்டு செயல்படுவது யார் என்று கமல் கேட்டார். இதில், ஷிவின், மணிகண்டன் இருவரும் தனலட்சுமி என்றனர். இதையடுத்து,வந்த அசீம், விக்ரமன் என்னிடம் அடிக்கடி ப்ரோமோவுக்கான நீங்க இப்படி செய்கிறீர்கள் என்பார் இதனால், அவர் தான் ப்ரோமோவை பற்றி அதிகம் யோசிக்கிறார். இதனால், நான் விக்ரமனை சொல்கிறேன் என்றார் அசீம்.

ஆயிஷா அழுவதே அதுக்குத்தான்

இதையடுத்து, பேசிய அமுதவாணன் ஆயிஷா எப்போதும் அழுதுகொண்டே இருப்பார். இதனால், அவர் ப்ரோமோவில் வர ஆசைப்படுவது போல எனக்கு தோன்றுகிறது என்று ஒவ்வொருத்தரும் ஒவ்வொரு போட்டியாளரின் பெயரை சொன்னார்கள். ஆனால், உண்மையில் ப்ரோமோவில் வர ஆசைப்படுவது அசீம் தான், ஆனால் தலைவன் பெயர் இல்லாததால் அவர் தப்பித்துக்கொண்டார்.