விக்ரமன் தான் ரியல் ஹீரோ... RIP விஜய் டிவி… ட்விட்டரில் கொந்தளித்த ரசிகர்கள்!

பிக் பாஸ் சீசன் 6

பிக் பாஸ் சீசன் 6 நிகழ்ச்சியில் யார் வெற்றி பெறுவார், டைட்டிலை வெல்வது யார் என்பதை தெரிந்து கொள்ள, ரசிகர்கள் கடந்த ஒரு வாரமாகவே இணையத்தில் சுறுசுறுப்பாக இருந்தனர். பிக் பாஸ் டைட்டில் நிச்சயம் விக்ரமனுக்குத்தான் கிடைக்கும் என்று சமூகவலைத்தளத்தில் அறம் வெல்லும் என்ற முழக்கம் ஓங்கி ஒலித்தது. அவருக்கு வாக்கு எண்ணிக்கையும் அதிகரித்தது.

மிகப்பெரிய தவறு

இதையடுத்து, யாரும் எதிர்பாராத நேரத்தில் பிக் பாஸ் சீசன் 6ன் டைட்டில் அசீமுக்கு வழங்கப்பட்டது. இதை கொஞ்சமும் எதிர்பாராத பிக் பாஸ் ரசிகர்கள் தங்களது கோபத்தை வெளிப்படுத்தி உள்ளனர். பிக் பாஸ் வீட்டில் இருந்த 21 போட்டியாளர்களை ஒழுங்காக மதிக்க தெரியாத ஒருவரை வெற்றி பெறச் செய்து ஒரு பெரிய தவறை விஜய் டிவி செய்துவிட்டது என நெட்டிசன்கள் புலம்பி வருகின்றனர்.

இந்த படம் ஒன்றே போதும்

அசீமின் வெற்றியால் கடுப்பான ஒரு இணையவாசி, நேற்று விழா மேடையில் விக்ரமன் தோளில் கமல் கைபோட்டு நின்று இருக்கும் போட்டோவை பகிர்ந்து, இந்த படம் ஒன்றே போதும் என்று பகிர்ந்துள்ளார். அதேபோல, அசீமுக்கு கமல் வெற்றி ட்ராஃபியை கொடுக்காமல், விக்ரமனை கொடுக்கவைத்து அழகு பார்த்தார். இது போதாதா மக்கள் மனதில் யார் இருக்கிறார்கள் என்று தெரிந்து கொள்வதற்கு.

RIP விஜய் டிவி

சக மனிதனை மதிக்கத் தெரியாத ஒருவனின் கையில் வெற்றியை கொடுத்து, விஜய் பெரிய தவறை செய்துவிட்டது. இதனால், பலர், RIP விஜய் டிவி, RIP பிக் பாஸ் தமிழ், சங்கி அரசியல் தலையீட்டால் வெற்றியை இழந்த இரண்டு நேர்மையான போட்டியாளர்கள் என்று விக்ரமன் மற்றும் ஷிவினின் போட்டோவை பகிர்ந்து மன்னிப்பு கேட்டுள்ளனர். உண்மையான போட்டியாளர்கள் விக்ரமன் மற்றும் ஷிவின் தான் என தங்களது கருத்தை தெரிவித்துள்ளனர்.

எங்க மனசுல நீ ஜெயிச்சிட்ட

பிக் பாஸ் வீட்டிலிருந்து வெளியே வந்த விக்ரமன் அம்பேத்கரின் திருஉருவப்படத்திற்கு பூ தூவி மரியாதை செலுத்தி உள்ளார். இந்த வீடியோவை பகிர்ந்த ஒரு இணையவாசி, விக்ரமன் ஜாதி வெறி, மதவெறி, இனவெறி, பாலின வெறி ஆணாதிக்க வெறி இது எல்லாமே இருக்கிற நாட்டுல. இது எல்லாத்தையும் கிழிச்சு போடணும், ஒழியனும் சொன்னா எப்படியா நீ ஜெயிப்ப, எங்க மனசுல நீ எப்பவோ ஜெயிச்சிட்டயா என நெகிழ்ச்சியுடன் பகிர்ந்துள்ளார். மேலும், விஜய் டிவிக்கு எதிராகவும் , பிக் பாஸ் நிகழ்ச்சிக்கு எதிராகவும் Boycott ஹாஷ்டேக்கை ரசிகர்கள் டிரெண்டாக்கி வருகின்றனர்.