பிக் பாஸ் 6 கிராண்ட் ஃபினாலே LIVE: பிக் பாஸ் டைட்டில் வின்னர் அசீம்.. ரன்னர் அப் விக்ரமன்!

கார் பரிசு

50 லட்சம் ரூபாய் பணம், வெற்றிக் கோப்பை உடன் அசீமுக்கு கிராண்ட் விட்டாரா சொகுசு காரும் பரிசாக கிடைத்துள்ளது. அந்த காட்சிகளையும் ரசிகர்கள் சமூக வலைதளங்களில் பகிர்ந்து வருகின்றனர்.

வெற்றி தருணம்

அசீம் கையை உயர்த்தி கமல்ஹாசன் பிக் பாஸ் டைட்டில் வின்னர் என அறிவித்த வெற்றி தருணத்தை டிவியில் வீடியோவாக எடுத்து ரசிகர்கள் ஷேர் செய்து கொண்டாடி வருகின்றனர்.

ஒன் மேன் ஆர்மி

செல்ஃப் மேட் ஒன் மேன் ஆர்மி.. மை மேன் அசீம் வெற்றிக் கோப்பையுடன் கெத்தாக வென்று காட்டி விட்டார் என அசீமின் வெற்றியை அவரது ரசிகர்கள் மற்றும் பிக் பாஸ் ரசிகர்கள் கொண்டாடி வருகின்றனர்.

பிக் பாஸ் சீசன் 6ன் டைட்டில் வென்றார் அசீம்!

பிக் பாஸ் தமிழ் சீசன் 6ன் டைட்டிலை அதிகாரப்பூர்வமாக வென்றார் அசீம். 50 லட்சம் ரூபாய் பரிசு மற்றும் கார் ஒன்றையும் பரிசாக தட்டிச் சென்றார் அசீம்.

விஜய் டிவி பிசினஸ் ஹெட் கையை தூக்கிய கமல்!

விக்ரமன் மற்றும் அசீம் கையை பிடித்துக் கொண்டிருந்த கமல் இருவர் கையையும் தூக்காமல் விஜய் டிவி பிசினஸ் ஹெட் கிருஷ்ணன் குட்டியின் கையை தூக்கினார் கமல்.

இரண்டாவது ரன்னர் அப் ஷிவின்!

பிக் பாஸ் தமிழ் சீசன் 6 நிகழ்ச்சியில் வெற்றி மேடை ஏறிய ஷிவின் 2வது ரன்னர் அப் ஆக மாறி உள்ளார். ஸ்பாட்லைட் ஷிவின் மீது பட்ட நிலையில் அவர் எவிக்ட் செய்யப்பட்டார்.

உயர பறந்த பிக் பாஸ் ஃபைனலிஸ்ட்!

பிக் பாஸ் இறுதி போட்டியாளர்களான அசீம், ஷிவின் மற்றும் விக்ரமன் மூவரும் கிரேனில் ஒரு கூண்டில் வைத்து தூக்கப்பட்டு பிக் பாஸ் வீட்டில் இருந்து ஒரே சமயத்தில் உயர பறந்து வெளியே நிகழ்ச்சி நடக்கும் மேடைக்கு வாணவேடிக்கைகள் வெடிக்க வந்தனர்.

விடைபெற்றது பிக் பாஸ் குரல்!

பிக் பாஸ் வீட்டில் இருந்து மூன்று போட்டியாளர்களையும் ஒன்றாக கிரேனில் ஏற்றி அனுப்பி விட்டு மூவரையும் வாழ்த்திய பிக் பாஸ் குரல் இனி ஓய்வு பெறுகிறது என அறிவித்ததும் போட்டியாளர்கள் அசீம், விக்ரமன் மற்றும் ஷிவின் மூவரும் உணர்ச்சிவசப்பட்டனர்.

புத்தகப் பரிந்துரை

பிக்பாஸ் நிகழ்ச்சியில் வாரமும் கமல் வாசிக்க வேண்டிய புத்தகங்களை பரிந்துரைப்பதை வழக்கமாக வைத்துள்ளார். இதன் காரணமாக இந்த கிராண்ட் பினாலே நிகழ்ச்சியில் சிறப்பு விருந்தினர்களாக எஸ்.ராமகிருஷ்ணன், மகுடேஸ்வரன் ஆகியோர் பங்கேற்றுள்ளனர்.

விஜய் டிவியை புறக்கணிப்போம்!

#BoycottVijayTv என்ற ஹாஷ்டேக்கை விக்ரமன் ரசிகர்கள் டிரெண்ட் செய்து வருகின்றனர். அசீமுக்கு டைட்டில் கொடுத்தது கொஞ்சம் கூட முறையற்ற செயல் என்றும் விக்ரமன் தான் ரியல் வின்னர் என்றும் ட்வீட் போட்டு வருகின்றனர்.

என்டர்டெயினர் - அமுதவாணன்!

பிக் பாஸ் நிகழ்ச்சியில் அமுதவாணனுக்கு என்டர்டெயினர் பட்டம் வழங்கப்பட்டது. டிக்கெட் டு ஃபினாலே வென்ற யாருமே பெட்டியை எடுத்துக் கொண்டு வெளியேறாத நிலையில், அங்கேயும் கலக்கி விட்டார் அமுதவாணன் என ரசிகர்கள் கமெண்ட் போட்டு அமுதவாணனின் கில்லாடித்தனத்தை பாராட்டி வருகின்றனர்.

தன் முனைப்பு - அசீம்!

யார் என்ன சொன்னாலும் எதிர்த்தாலும் தன் முனைப்புடன் பிக் பாஸ் கேமை விளையாடிய அசீமுக்கு தன் முனைப்பாளர் பட்டத்தை கமல்ஹாசன் வழங்கினார்.

கண்ணியம் - விக்ரமன்!

அடுத்ததாக மணிகண்டனுக்கு ஹெர்குலஸ் என்கிற பட்டம் வழங்கிய கமல் அதன் பிறகு கண்ணியம் டைட்டில் யாருக்கு என கெஸ் பண்ணுங்க என சொன்னதும் ஷிவின் கதிரவன் கதிரவன் எனக் கூறிய நிலையில், ஆடியன்ஸ் விக்ரமன் பெயரை சொன்னதும் ஆடியன்ஸ் சொன்னது தான் சரி விக்ரமன் தான் கண்ணியம் டைட்டிலை வெல்கிறார் என கொடுத்து விட்டார். அண்ணா சொன்ன கடமை, கண்ணியம், கட்டுப்பாடு என்பது விக்ரமனுக்குத் தான் பொருந்துகிறது என பாராட்டினார்.

நம்பிக்கை - ஷிவின்!

பிக் பாஸ் சீசன் 6ல் நம்பிக்கை பட்டத்தை ஷிவின் வென்றார். விக்ரமன் பெயரை சொல்லி வந்த ஷிவினுக்கு அந்த பட்டத்தை வழங்கினார் கமல்ஹாசன். பல பேருக்கு நீங்க நம்பிக்கை நட்சத்திரமாக மாறி இருக்கீங்க என பாராட்டி உள்ளார் கமல்.

போராளி தனலட்சுமி!

பிக் பாஸ் தமிழ் சீசன் 6 போட்டியாளர்களுக்கு கமல் சிறப்பு பட்டங்களை கொடுத்துள்ளார். போராளி பட்டத்தை தனலட்சுமிக்கு கொடுத்தார்.

ரசிகர்கள் அணிவித்த மணிமகுடம்!

பிக் பாஸ் தமிழ் சீசன் 6ல் டைட்டிலை வெல்லவில்லை என்றாலும் ரசிகர்கள் விக்ரமனுக்கு மலை மற்றும் பூ மகுடம் அணிவித்த காட்சிகள் தற்போது வெளியாகி உள்ளன.

ரசிகருடன் விக்ரமன்!

இவிபி பிலிம் சிட்டியில் பிக் பாஸ் நிகழ்ச்சி ஷூட்டிங் முடிந்த நிலையில், அங்கே வேலை செய்து கொண்டு இருந்த ரசிகர் ஒருவர் விக்ரமன் உடன் எடுத்துக் கொண்ட வீடியோவை தற்போது ஷேர் செய்துள்ளார். அந்த வீடியோவில் ரசிகருடன் இணைந்து விக்ரமன் அறம் வெல்லும் என முழங்கி உள்ளார்.

எனக்கு பிடிச்சது தமிழ்நாடு!

மெட்ராஸ் ஆக இருந்த போதும் நடிச்சிருக்கீங்க, சென்னையாக இருந்தபோதும் நடிச்சிருக்கீங்க உங்களுக்கு எது சார் ரொம்ப பிடிச்சிருக்கு என அசல் கோலார் கமலிடம் கேள்வி கேட்க, எனக்கு பிடிச்சது தமிழ்நாடு என்றும் தமிழகம் கூட இல்லை தமிழ்நாடு தான் என அழுத்தம் திருத்தமாக பதில் சொல்லி மீண்டும் பிக் பாஸ் நிகழ்ச்சியில் தமிழ்நாடு என்கிற வார்த்தையை ஓங்கி உரக்க ஒலிக்க செய்துள்ளார்.

கமல் கொடுத்த பரிசு!

பிக் பாஸ் தமிழ் 6 இறுதிப் போட்டியாளர்களான அசீம், விக்ரமன் மற்றும் ஷிவின் மூவரையும் பிக் பாஸ் வீட்டுக்குள்ளே சென்று வாழ்த்திய கமல்ஹாசன் அவர்கள் மூவருக்கும் அவர் மனமார எழுதிய கடிதத்தை ஃபிரேம் போட்டு பரிசாக வழங்கினார். மேலும், மூவருடன் இணைந்து எடுத்துக் கொண்ட புகைப்படம் ரசிகர்களை வெகுவாக கவர்ந்துள்ளது.

உன்னை வெல்ல உன்னால் தான் முடியும்!

அசீம் கண்ணாடி முன் தோன்றி தனக்கு ஒரு பிக் சல்யூட் வைத்துக் கொண்டு இத்தனை நாட்கள் பல எதிர்ப்புகளை தாண்டி நீ நீயாக நின்னதுக்கு பெரிய சல்யூட் டா என்றும் உன்னை வெல்ல உன்னால் மட்டும் தான் முடியும் என்று கூறினார். இந்த வீட்டில் இருந்து உன்னில் இருக்கும் நல்லவனை எடுத்துக் கொண்டு செல்கிறேன். என்னில் இருக்கும் கெட்டவனை விட்டு விட்டுச் செல்கிறேன் என பேசினார் அசீம்.

நன்றி விக்ரமன்!

தனக்கான பாதையையும் நெறியையும் வகுத்துக் கொண்டு இத்தனை நாட்கள் இந்த வீட்டில் பல அவமானங்களையும் தாக்குப் பிடித்துக் கொண்டு இருந்ததற்கு நன்றி விக்ரமன் என கண்ணாடியை பார்த்து தனக்குத் தானே வாழ்த்து தெரிவித்துக் கொண்டிருந்தார் விக்ரமன்.

கண்கலங்கி நன்றி தெரிவித்த ஷிவின்

இப்படியொரு தருணம் தனக்கு வாழ்நாளில் கிடைக்கும் என எதிர்பார்க்கவே இல்லை என கண்ணாடி முன் நின்று ஷிவின் தன்னை பார்த்தே கண்கலங்கி அழுது நன்றி தெரிவித்த காட்சிகள் ரசிகர்களை வெகுவாக கவர்ந்துள்ளன.

பிக் பாஸ் வெற்றிக் கோப்பை!

இந்த சீசன் ஆரம்பித்ததில் இருந்தே டெக்னாலஜியில் விளையாடி இருந்தார் கமல். இந்நிலையில், கிராண்ட் ஃபினாலேவில் அசீம், விக்ரமன் மற்றும் ஷிவின் ஆகியோரின் கை ரேகைகளை வைத்து ஸ்கேன் செய்ய கூடவே கமல்ஹாசன் கையும் ஸ்கேன் ஆக மேஜையின் உள்ளிருந்து டைட்டில் வின்னருக்கான வெற்றிக் கோப்பை வெளியே வர ஒவ்வொரு போட்டியாளர்களும் வெற்றிக் கோப்பையுடன் தனித்தனியாக பேசிய காட்சிகள் அரங்கேறின.

விஜய் டிவி ப்ராடெக்ட்!

இந்த முறை பிக் பாஸ் டைட்டிலை விஜய் டிவியின் சீரியல் நடிகர் அசீமுக்கே கொடுத்து விட்டதாக ஜோ மைக்கேல் தனது அதிருப்தியை தெரிவித்து வின்னர் யார் என்று அறிவித்த போது மக்கள் ரியாக்‌ஷன் இப்படித்தான் இருந்தது என ட்வீட் போட்டுள்ளார்.

பிக் பாஸ் நிகழ்ச்சியில் டபுள் ஆக்ட் கொடுத்த கமல்!

பிக் பாஸ் நிகழ்ச்சியில் அகம் டிவி மூலம் ஷிவின், அசீம், விக்ரமன் உடன் பேசிக் கொண்டிருந்த கமல் திடீரென வீட்டுக்குள் வந்து டபுள் ஆக்ட் கொடுத்து போட்டியாளர்கள் மூவரையும் இன்ப அதிர்ச்சியில் ஆழ்த்தி உள்ளார்.

கமல்ஹாசனின் கலக்கல் காஸ்ட்யூம்!

வித்தியாசமான உடைகளை பிக் பாஸ் நிகழ்ச்சிகளில் அணிந்து வரும் கமல்ஹாசன் பிக் பாஸ் தமிழ் சீசன் 6 கிராண்ட் ஃபினாலே நிகழ்ச்சிக்காக உடையில் பெயின்ட் கொட்டியது போல உள்ள ஆடையை அணிந்து கொண்டு வந்த நிலையில், பலரது கண்களையும் அந்த டிரெஸ் கவர்ந்துள்ளது.

பாட்டுப் பாடிய விக்ரமன்!

சூப்பர் சிங்கர் போட்டியாளர் சக்தியை உள்ளே பிக் பாஸ் அனுப்பி விக்ரமன், ஷிவின் மற்றும் அசீமுக்கு இசை நிகழ்ச்சி நடத்தினர். அப்போது விக்ரமனை பாட வைக்க “பச்சை மலைப் பூவு உச்சி மலை தேன்” பாடலை விக்ரமன் பாடி அசத்தினார்.

எக்ஸ்டன்ட் பண்ணாலும் நான் ரெடி!

இன்னும் ஒரு வாரம் பிக் பாஸ் நிகழ்ச்சியை தள்ளிப் போடலாமா எனக் கேட்டதும் நான் ரெடி சார் என அசீம் சொல்ல, விக்ரமன் மற்றும் ஷிவின் அய்யோ நாங்க வெளியே போயிடுறோம் சார் என நொந்து போய் விட்டனர்.

அசீமை வாழ்த்திய பிரசாந்த் ரங்கசாமி!

அசீமுக்காக கடைசி நேரத்தில் பெரிய அளவில் ட்வீட்கள் போட்டு அசீம் ஹேட்டர்களுடன் கடும் சண்டை போட்டு அசீம் தான் இந்த சீசனை வெல்வார் என்றும் அசீம் மகாத்மா என்றும் சொல்லி வந்த விமர்சகர் பிரசாந்த் ரங்கசாமி அசீம் வென்றார் என்கிற தகவல் தெரிந்த நிலையில், வாழ்த்துக்கள் பிரதர் என ட்வீட் போட்டுள்ளார்.

புடிச்சி ஜெயில்ல போடுங்க சார்!

பிக் பாஸ் தமிழ் சீசன் 6 டைட்டில் வின்னர் என அசீமை கமல்ஹாசன் அறிவிக்கும் போது மணிகண்டன் புடிச்சி புழல் ஜெயில்ல போடுங்க சார் அவனை என கத்தியதாக நிகழ்ச்சியை கண்டு ரசித்தவர்கள் கமெண்ட் செய்து வருகின்றனர்.

நல்லவங்களா இருந்தா ஜெயிக்க முடியாது - காஜல் பசுபதி!

எங்கேயும் நல்லவங்களா உண்மையா இருந்தா ஜெயிக்கவே முடியாது என்பதை மீண்டும் மீண்டும் நிரூபிக்கும் சொசைட்டி என நடிகை காஜல் பசுபதி அசீமின் வெற்றி ஏமாற்று வேலை என ட்வீட் போட்டு விளாசி உள்ளார்.

வெற்றியாளர் அசீம்!

பிக் பாஸ் தமிழ் சீசன் 6ன் வெற்றியாளர் அசீம் என ரசிகர்கள் ஹாஷ்டேக்கை டிரெண்ட் செய்து வருகின்றனர். அதிகப்படியான மக்கள் ஓட்டுக்களுடன் அசீம் வெற்றிப் பெற்றதாக தகவல்கள் வெளியாகி உள்ள நிலையில், அசீம் ஆர்மியினர் கொண்டாடி வருகின்றனர்.

டைட்டில் வின்னர் - அசீம்!

பிக் பாஸ் சீசன் 6 நிகழ்ச்சியின் டைட்டிலை அசீம் வென்றுள்ளதாக தகவல்கள் சமூக வலைதளங்களில் வெளியான நிலையில், #Azeem ஹாஷ்டேக்கை அசீம் ஆர்மியினர் டிரெண்ட் செய்து வருகின்றனர். விக்ரமன் ரன்னர் அப் மற்றும் ஷிவின் இரண்டாவது ரன்னர் என தகவல்கள் வெளியாகி உள்ளன. விரைவில் ஷோ முடிவில் அந்த காட்சிகளை காண ரசிகர்கள் ஆவலுடன் காத்திருக்கின்றனர்.

மைனா நந்தினி, கதிர், அமுதவாணன்!

மைனா நந்தினி, கதிரவன், அமுதவாணன் கமல்ஹாசனை சந்திக்காமல் இந்த வாரம் பிக் பாஸ் வீட்டை விட்டு வெளியேறிய நிலையில், அந்த மூவரையும் முதலில் அழைத்து கமல்ஹாசன் பேசிய காட்சிகள் அரங்கேறி வருகின்றன. கதிரவன் ஏன் பண மூட்டையை அவ்வளவு சீக்கிரத்தில் எடுத்தீங்க என கேட்க, கிடைத்தவரை லாபம்னு நினைச்சிட்டேன் சார் என்றார். அமுதவாணன் பேசும் போது உள்ளே வந்து முன்னாள் போட்டியாளர்கள் பிரைன் வாஷ் பண்ணிட்டாங்க என்றார். மைனா நந்தினி டாப் 4ல் வரவேண்டும் என்பதால் பெட்டியை எடுக்கவில்லை என்றார்.

முதல் முறையாக பிக் பாஸ் சீசன் 6 நிகழ்ச்சியில் மூன்று போட்டியாளர்களையும் கிரேன் வைத்து பிக் பாஸ் வீட்டில் இருந்து தூக்கிக் கொண்டு நிகழ்ச்சி மேடைக்கு கொண்டு சென்றது ரசிகர்களை உற்சாகத்தில் ஆழ்த்தியது.

பிக் பாஸ் சீசன் 6 கிராண்ட் ஃபினாலே ஆரம்பம்!

பிக் பாஸ் சீசன் 6 கிராண்ட் ஃபினாலே நிகழ்ச்சி தொடங்கியது. முதல் நாளில் கமல்ஹாசன் வீட்டுக்கு உள்ளே சென்று வீட்டை சுற்றிக் காட்டியது முதல் பிக் பாஸ் சீசன் 6 நிகழ்ச்சியின் நெகிழ்ச்சியான பயண வீடியோவை ஒளிபரப்பி நிகழ்ச்சியை ஆரம்பித்துள்ளனர்.

24 மணி நேர லைவ் ஓவர்

விக்ரமன், ஷிவின், அசீம் உள்ளிட்ட 3 போட்டியாளர்களுடன் மொத்தம் இந்த சீசனில் கலந்து கொண்ட 21 போட்டியாளர்களையும் முதல் நாளில் இருந்து ரசிகர்கள் 24 மணி நேரமும் கண்டு ரசித்து வந்தனர். இறுதி நிகழ்ச்சிக்கு போட்டியாளர்கள் தயாரானது வரை லைவ்வில் பார்த்த ரசிகர்கள் இனிமேல் 24 மணி நேரமும் இவர்களை பார்க்க முடியாது என்கிற ஃபீலிங்கில் ட்வீட் போட்டுள்ளனர்.

ரச்சிதா நியூ லுக்

பிக் பாஸ் சீசன் 6 நிகழ்ச்சியின் கிராண்ட் ஃபினாலேவில் கலந்து கொள்ள சின்னத்திரை நடிகையும் பிக் பாஸ் சீசன் 6 போட்டியாளருமான ரச்சிதா செம ஸ்டைலாக மாடர்ன் உடையில் போஸ் கொடுத்துள்ள இன்ஸ்டாகிராம் போஸ்ட் இணையத்தில் டிரெண்டாகி வருகின்றன.