Bigg Boss Tamil 6 : விருந்தாளிக்கும் சேக்ரிஃபைஸ் டாஸ்க்… விருந்தாளியா வந்தது ஒரு குத்தமா!

பிக் பாஸ் சீசன் 6

பிக் பாஸ் வீட்டில் இந்த வாரம் பெரிதாக எந்த டாஸ்கும் இல்லாததால், பிக்பாஸ் பாஸ் வீட்டில் இருந்து வெளியேறிய தனலட்சுமி, மெட்டிஒலி சாந்தி, ராபர்ட் மாஸ்டர், ஜி பி முத்து, அசல் கோலார், நிவாஷினி, குயின்சி, ஷெரினா ஆகியோர் வீட்டிற்குள் வந்துள்ளனர். பிக் பாஸ் வீட்டிற்குள் வந்த சக போட்டியாளர்கள், வீட்டில் இருக்கும் 7 பேருக்கு கடுமையான சேக்ரிஃபைஸ் டாஸ்க் கொடுத்தனர்.

சேக்ரிஃபைஸ் டாஸ்க்

இதில், விக்ரமன் ஒரு பக்கம் மட்டும் தாடி , மீசையை எடுக்க வேண்டும் என்றும் ஏடிகேவுக்கு தலை முழுவதும் மொட்டை அடித்துக்கொண்டு உச்சிதலையில் மட்டும் குடுமி வைத்துக்கொள்ள வேண்டும் என்றும், கதிருக்கு சட்டை மற்றும் பேட்டை கிழித்துக்கொண்டு இருக்க வேண்டும் என்றும் டாஸ்க் கொடுக்கப்பட்டது. அசீமுக்கு சுடிதார் மற்றும் புடவை கட்டிக்கொள்ள வேண்டும் என்று சேக்ரிஃபைஸ் டாஸ்க் கொடுக்கப்பட்டது. ஆனால், அதை அவர் செய்யவில்லை.

வசமாக சிக்கிய விருந்தளிகள்

இன்றைய எபிசோடுக்கான கடைசி ப்ரோமோ சற்று முன்பு வெளியானது. இதில், வெளியில் இருந்து வந்திருக்கும் விருந்தளிகளுக்கு ஒரு சின்ன கேம், வந்தவர்கள் எல்லாம் கொஞ்சம் கார்டனில் உங்காருங்க, இந்த ஏழு பேரும் நீங்க என்ன தியாகம் பண்ணலாம் என்பதை முடிவு செய்து உங்களிடம் சொல்லுவார்கள் என்று கமல் சொன்னதும் அனைத்து ஆடியன்சும் கை தட்டி அதைவரவேற்றனர்.

அவமானப்படுத்தினார்கள்

இதையடுத்து பேசும், அசீம், அவமானப்படுத்தும் வகையில் நடந்து இருக்கிறார்கள், அதற்காக நாமும் அப்படி செய்யலாமா என்றார். இதையடுத்து பேசிய விக்ரமன் அன்பாக மட்டுமே இருக்க வேண்டும் என்றார். அவங்க அப்படி செய்துவிட்டார்கள் என்பதற்காக நாம் எதையும் செய்ய வேண்டாம் என்று மைனா கூறுவது போல மூன்றாவது ப்ரோமோ வெளியாகி உள்ளது.

தியாகம் என்பது விரும்பி செய்வதாகும்

முன்னதாக காலையில் வெளியான முதல் ப்ரோமோவில் பிரிந்தவர் கூடினால் பேசவும் வேண்டுமோ என்பது கம்பர் சொன்னது, ஆனால் ஏன் கூடினோம், ஏன் பேசினோம் என்ற அளவுக்கு ஆகிவிட்டது. தியாகம் என்பது விரும்பி செய்வதாகும், கேட்டு வாங்குவது தானம், வலிய புகுத்துவது அது வன்மம். இது மூன்றும் வேறு வேறு என்பதை வீட்டில் உள்ளவர்களுக்கு யாராவது சொல்லிக் கொடுக்க வேண்டும் என்றார் கமல்.