பழைய நியூஸ் பிக் பாஸ்... இதுல பிரோமோ வேற... பிக்பாசை கிண்டலடிக்கும் ஃபேன்ஸ்!

டைட்டில் வின்னர்

பிக் பாஸ் வீட்டில் முதலில் பணமூட்டை வைக்கப்பட்ட நிலையில், மீண்டும் ஒருமுறை பல லட்சம் மதிப்பிலான பணப்பெட்டிவைக்கப்பட்டது. விக்ரமன், அசீம் மற்றும் ஷிவினுக்கு மக்களிடம் அதிக ஆதரவு இருப்பதால் இவர்கள் மூவரில் ஒருவருக்கு நிச்சயம் டைட்டில் கிடைக்கும். இதனால், இவர்கள் பணப்பெட்டியை எடுக்க வாய்ப்பு இல்லை.

வெளியேறிய போட்டியாளர்

ஆனால், அமுதவாணன் மற்றும் மைனாவுக்கு நான்கு அல்லது 5வது இடமே கிடைக்கும். இதை தெரிந்து கொண்ட அமுதவாணன் 13 லட்சம் ரூபாய் பணப்பெட்டியுடன் பிக்பாஸ் வீட்டிலிருந்து வெளியேறி உள்ளார். பிக் பாஸ் வரலாற்றிலேயே அதிகமான பணத்துடன் வெளியேறிய போட்டியாளராக அமுதவாணன் இருக்கிறார். சரியான நேரத்தில் சரியான முடிவை எடுத்திருக்கிறார் என ஒரு பக்கம் அவரது ரசிகர்கள் வாழ்த்து தெரிவித்து வருகின்றனர்.

6 எனக்கு... 6உனக்கு

இந்நிலையில், இன்றைய நாளுக்குரிய மூன்றாவது ப்ரோமோ வெளியாகி இருக்கின்றது. அதில் பணப் பெட்டியை யார் எடுப்பது என்பது பற்றி போட்டியாளர்கள் ஒருவருக்கொருவர் பேசிக் கொள்கின்றனர். அதில் 12லட்சம் வந்ததும் ஷிவின் மற்றும் அமுதவாணனும் "6எனக்கு 6உனக்கு வா எடுக்கலாம்" என பேசிக்கொள்கின்றனர். இறுதியில் அமுதவாணன் பணப்பெட்டிக்கு அருகில் சென்று நிற்கிறார்.

பழைய நியூஸ்

இந்த ப்ரோமோவை பார்த்த பிக் பாஸ் பார்வையாளர், அமுதவாணன் பணத்தை எடுத்துக்கொண்டு வெளியில் வந்து விட்டார். ஆனால், எதுவுமே நடக்காதது போல, பழைய செய்தியை இப்போது சொல்லுறீங்க என்றும், இதுல பிரோமோ வேறையா என்றும், எல்லாம் எங்களுக்கு தெரியும் பிக் பாஸ் கொஞ்சம் வித்தியாசமா யோசிங்க என்றும் நெட்டிசன்ஸ் இணையத்தில் ட்ரோல்செய்து வருகின்றனர்.