பிக்பாஸ் வீட்டிற்குள் நுழைந்த கவின்.. போட்டியாளர்களுக்கு என்ன அட்வைஸ் கொடுத்தாரு தெரியுமா?

பிக் பாஸ் சீசன் 6

பிக் பாஸ் சீசன் 6ல் வீட்டிற்குள் இரண்டாவது முறையாக பணப்பெட்டி வந்த நிலையில், 11 லட்சத்து 75 ஆயிரம் ரூபாயுடன் அமுதவாணன் பிக்பாஸ் வீட்டிருந்து வெளியேறினார். நான் பைனலில் நிச்சயம் வெற்றி பெற மாட்டேன் என்பது எனக்கு தெரியும், எனக்கும் என் குடும்பத்திற்கும் பணம் நிச்சயம் தேவை என்பதால் பணப்பெட்டியை எடுப்பதாக கூறியிருந்தார்.

வெளியேறிய மைனா

இதையடுத்து, பிக் பாஸ் நிகழ்ச்சியில் நேற்று மிட் நைட் எலிமினேஷன் நடைபெற்றது. இதில் மைனா நந்தினி வெளியேற்றப்பட்டார். அவர் பிக் பாஸ் வீட்டில் 103 நாட்கள் இருந்த நிலையில், மொத்தமாக 25,75,000 பணத்துடன் வெளியேறி இருக்கிறார். தற்போது பிக் பாஸ் வீட்டில் ஷிவின், விக்ரமன், அசீம் ஆகியோர் உள்ளனர்.

மாஸ் என்ட்ரி கொடுத்த கவின்

இந்நிலையில்,பிக் பாஸ் நிகழ்ச்சியில் இன்றைய எபிசோடுக்கான ப்ரோமோவில், பிக் பாஸ் வீட்டிற்குள் கவின், நடிகை அபர்ணா தாஸூடன் வந்திருந்தார். இங்கே இருந்து தான் என் பயணம் தொடங்கியது, கொஞ்சம் பேச ஆரம்பிச்ச எமோஷன் ஆகிடுவேன். உங்க 3 பேருக்கும் கொஞ்சம் டென்ஷன் இருக்கும் தான். ஆனால், ஜாலியா வாங்க அப்புறம் பாத்துக்கலம் என்றார். இதையடுத்து, கவின் உங்களுக்கும் பெட்டிக்கும் என்ன ராசினு தெரியல,நேற்று போச்சு, இன்னைக்கு நீங்க வந்து இருக்கீங்க என்று பிக்பாஸ் கவினை கிண்டலடித்தார்.

டாடா படத்தில் கவின்

பிக் நிகழ்ச்சியின் முன்னாள் போட்டியாளரான கவின், தற்போது, கணேஷ் கே. பாபு இயக்கத்தில் அபர்ணா தாஸூடன் டாடா படத்தில் நடித்துள்ளார். இப்படத்தின் 'எ சாங்' பாடல் மற்றும் டீசர் ரிலீசாகி வரவேற்பைப் பெற்றது. ரெட் ஜெயிண்ட் நிறுவனம் இப்படத்தை வெளியிட உள்ளது. ஜென் மார்ட்டின் இப்படத்துக்கு இசையமைத்துள்ளார். எழில் அரசு ஒளிப்பதிவு செய்துள்ளார். இப்படம் விரைவில் வெளியாக உள்ளது.