பிக்பாஸில் இந்த வார நாமினேஷன் லிஸ்ட்.. வெளியேற அதிக வாய்ப்புள்ள நபர் யார் தெரியுமா?

விக்ரமன்

பிக் பாஸ் சீசன் 6ல் விக்ரமன் கலந்துகொண்டு இருக்கிறார். இவர் விசிக மாநில செய்தி தொடர்பாளர் ஆவார். பிக் பாஸ் நிகழ்ச்சியில் முதல்முறையாக அரசியல் தொகுப்பாளர்களில் ஒருவரான விக்ரமன் கலந்து கொண்டிருப்பது பலருக்கும் ஆச்சரியத்தை ஏற்படுத்தியிருக்கிறது. நடிகர், செய்தியாளர்,அரசியல்வாதி என பிக்பாஸ் வீட்டில் ஜொலித்துக்கொண்டு இருக்கிறார் விக்ரமன்.

விக்ரமனை பாராட்டிய கமல்

முதல் வாரம் நடந்த ரேங்க் டாஸ்க்கின் போது அசீமுக்கும் விக்ரமனுக்கும் வாக்கு வாதம் ஏற்பட்டது. அப்போது அசீம் வரம்பு மீறி விக்ரமனை போடா, வாடா என பேசியதால், இருவருக்கும் இடையே சலசலப்பு ஏற்பட்டது. அசீம் என்னத்தான் கோபத்தில் ஒருமையில் பேசினாலும், விக்ரமன் வார்த்தையை விடாமல், கண்ணியமாகவே பேசினார். இதை சுட்டிக்காட்டி கமலும் விக்ரமனை பாராட்டினார்.

நாமினேஷனில் விக்ரமன்

இந்த வீட்டில் அனைவர் இடத்திலும் அன்பாகவும், அதே நேரம் பேசுவது தவறு என்று தெரிந்தால் கண்டித்து வந்த விக்ரமனின் பெயர் இந்த வாரம் நாமினேஷன் லிஸ்டில் சிக்கி உள்ளது. காலையில் தொடங்கிய நாமினேஷனில் அசீம், ஆயிஷா, ஷெரினா, கதிரவன், விக்ரமன் ஆகியோரின் பெயர் இடம் பெற்றுள்ளது.

டேஞ்சர் ஜோனில் யார்?

நாமினேஷனில் விக்ரமனின் பெயர் இருந்தாலும், அவருக்கு மக்களின் ஆதரவு அதிகமாகவே உள்ளது. இந்த வாரம் டேஞ்சர் ஜோனில் இருப்பது ஷெரினா மற்றும் ஆயிஷாத்தான். ஷெரினா பொம்மை டாஸ்கில் கிழே விழுந்து போட்ட சீனை பார்த்து கடுப்பான மக்கள் நிச்சயம் அவரை இந்த வாரம் வீட்டை விட்டு வெளியில் அனுப்பி விடுவார்கள் என்று கூறப்படுகிறது.