“நீங்களும் ஓவியா மாதிரி ஆகிடாதீங்க”.. சர்ச்சை புகைப்படம் வெளியிட்ட தர்ஷனுக்கு ரசிகர்கள் அட்வைஸ்!

புதிய பட வாய்ப்புகள்

தர்ஷனை பிக் பாஸ் ஏமாற்றினாலும், மக்களும், கமலும் அவருக்கு வாய்ப்பு கொடுக்க தயாராக இருக்கிறார்கள். தனது ராஜ்கமல் பிலிம்ஸ் இண்டெர்நேஷனல் கம்பெனி மூலம் தர்ஷனை வைத்து படம் தயாரிக்க உள்ளதாக கமல் ஏற்கனவே அறிவித்துவிட்டார். மேலும் சில தயாரிப்பாளர்களும் தர்ஷனை வைத்து படம் தயாரிக்க தயாராக இருக்கிறார்கள்.

அகோரி புகைப்படம்

இந்நிலையில் தர்ஷன் தனது டிவிட்டர் பக்கத்தில் புதிய புகைப்படம் ஒன்றை பதிவிட்டுள்ளார். அதில் அவர், கழுத்தில் ருத்ராட்ச மாலை, வாயில் கஞ்சா சகிதம் ஒரு சோபாவில் படுத்தப்படி போஸ் கொடுத்திருக்கிறார்.

ரசிகர்கள் அதிர்ச்சி

தர்ஷனின் இந்த மாடர்ன் அஹோரி புகைப்படத்தை பார்த்து ரசிகர்கள் ஷாக்காகிவிட்டனர். 'என்ன தர்ஷன் விஜய் தேவரகொண்டா மாதிரி இறங்கிட்டீங்க' என ஒரு ரசிகர் கேட்டுள்ளார். புகைப்பிடிப்பது உடல் நலத்திற்கு கேடு விளைவிக்கும் என சில ரசிகர்கள் தர்ஷனுக்கு அறிவுரை வழங்கியுள்ளனர்.

அறிவுரை

பிக் பாஸ் நிகழ்ச்சிக்குப் பிறகு தர்ஷன் வெளியிட்டுள்ள புதிய படம் தொடர்பான அப்டேட் இது. ஆனால் இந்த புகைப்படமே சர்ச்சைக்குரிய வகையில் இருப்பது அவரது ரசிகர்களை அதிர்ச்சி அடைய வைத்துள்ளது. கதைகளை கொஞ்சம் பார்த்து தேர்வு செய்யுங்கள் என அவர்கள் அறிவுரை கூறி வருகின்றனர்.

புகை பிரச்சினை

ஏனென்றால் ஏற்கனவே இது போன்று போஸ்டரில் புகை பிடிப்பது போன்ற படங்களில் நடித்தவர்கள் சர்ச்சைகளில் சிக்கியது நாமறிந்த ஒன்று தான். அதோடு அப்புகைப்படங்களுக்கு எதிர்மறையான விமர்சனங்கள் கிடைத்த போதும், அவை எதிர்பார்த்த வெற்றியைத் தரவில்லை. எனவே தர்ஷனின் படமும் அது மாதிரி ஆகிவிடக் கூடாதே என்ற கவலைதான் ரசிகர்களுக்கு.

கவலை

பிக் பாஸ் முதல் சீசனில் மக்களின் ஆதரவைப் பெற்ற ஓவியா, இப்படித்தான் கதை தேர்வு விசயத்தில் கோட்டை விட்டார். 90 எம் எல் மாதிரியான சர்ச்சை படங்களில் நடித்து தன் பெயரைக் கெடுத்துக் கொண்டார். தர்ஷனும் அது மாதிரி ஆகி விடக் கூடாதென கமெண்ட்டில் ரசிகர்கள் அவருக்கு அறிவுரை கூறி வருகின்றனர்.