பிக் பாஸ் அல்டிமேட் 4வது போட்டியாளர் யாரு தெரியுமா? அறிமுகப்படுத்த வந்த கோமாளியை ரசிக்கும் ஃபேன்ஸ்!

Published: Thursday, January 27, 2022, 12:53 [IST]

சென்னை: பிக் பாஸ் அல்டிமேட் நிகழ்ச்சியில் கலந்து கொள்ளப் போகும் போட்டியாளர்களை தினசரி டிஸ்னி பிளஸ் ஹாட்ஸ்டார் அறிமுகப்படுத்தி வருகிறது.

இந்நிலையில், 4வது போட்டியாளர் யார் என்கிற அறிவிப்புடன் குக் வித் கோமாளி பிரபலம் வந்திருப்பதை பார்த்து ரசிகர்கள் ஆச்சர்யத்தில் ஆழ்ந்துள்ளனர்.

கரண்டி, துண்டு, வத்திப்பெட்டி என மூன்று க்ளூக்களை கொடுத்து அந்த போட்டியாளரை கண்டுபிடிக்க சொல்ல ரசிகர்கள் அடுத்த நொடியே கண்டுபிடித்து கமெண்ட் செய்து வருகின்றனர்.

சினேகன், ஜூலி, வனிதா

இதுவரை 3 போட்டியாளர்களின் அதிகாரப்பூர்வ அறிவிப்பு ஸ்பெஷல் புரமோவுடன் வெளியான நிலையில், 4வது போட்டியாளர் குறித்த கெஸ்ஸிங் புரமோ தற்போது வெளியாகி உள்ளது. முதல் போட்டியாளராக கவிஞர் சினேகன், இரண்டாவது போட்டியாளராக ஜூலி மற்றும் மூன்றாவது போட்டியாளராக வனிதா விஜயகுமார் பங்கேற்பது உறுதியாகி உள்ளது.

4வது போட்டியாளர் யார்

இந்நிலையில், தற்போது 4வது போட்டியாளர் யார் என்பதை கண்டுபிடிக்க 3 க்ளூவுடன் சூப்பரான புரமோ வெளியாகி டிரெண்டாகி வருகிறது. அந்த க்ளூவை பார்த்ததுமே ரசிகர்கள் அந்த போட்டியாளரும் வருகிறாரா? அப்போ என்டர்டெயின்மென்ட்டுக்கு பஞ்சமே இருக்காதே என கமெண்ட்டுகளை தெறிக்கவிட்டு வருகின்றனர்.

வேற யாரு

ஸ்பூன், துண்டு மற்றும் வத்திப்பெட்டியை பார்த்ததுமே பிக் பாஸ் தாத்தா சுரேஷ் சக்கவர்த்தி தான் அந்த 4வது போட்டியாளர் என ரசிகர்கள் கண்டு பிடித்துள்ளனர். வனிதா விஜயகுமாருக்கு சரியான போட்டியாக சுரேஷ் தாத்தா இந்த பிக் பாஸ் அல்டிமேட்டில் அதகளம் செய்வாரா என்பதை பார்க்க ரசிகர்கள் ஆர்வமுடன் காத்திருக்கின்றனர். இந்த முறையும் பாதியிலேயே அனுப்பிட மாட்டாங்களே?

தீப்பட்டி எதுக்கு

க்ளூவாக துண்டை காட்டியதுமே ரசிகர்கள் சுரேஷ் தாத்தா என கெஸ் செய்து விட்டனர். ஆமாம்.. கடைசியாக அந்த தீப்பெட்டி எதுக்கு என சிலர் சந்தேகங்களை கிளப்ப அவர் தான் சரியா கொளுத்திப் போடுவாரே என ரசிகர்களே அதற்கும் கமெண்ட் பக்கத்தில் விளக்கத்தை போட்டு வருகின்றனர். வத்திக்குச்சி வனிதாவா? கொளுத்திப்போடும் சுரேஷ் தாத்தாவா? சபாஷ் சரியான போட்டி தான்.

கோமாளியை ரசிக்கும் ரசிகர்கள்

முதல் போட்டியாளரை அறிவிக்க குக் வித் கோமாளி பிரபலமான புகழ் வந்திருந்த நிலையில், 4வது போட்டியாளரை அறிவிக்க 3வது சீசனிலும் கோமாளியாக தொடரும் மணிமேகலை வந்திருப்பதை பார்த்த ரசிகர்கள் அவருக்கு தனியாக ஹார்ட்டீன்களை கமெண்ட் பக்கத்தில் போட்டு ரசித்து வருகின்றனர். மணிமேகலையே பிக் பாஸ் அல்டிமேட்டில் கலந்து கொண்டால் சூப்பராக இருக்கும் என்றும் கமெண்ட்டுகள் குவிகின்றன.