பிக் பாஸ் அல்டிமேட்.. டாஸ்கை சொதப்பிய ஹவுஸ்மேட்ஸ்.. நொந்துபோன பிக் பாஸ்.. இதுகூடவா தெரியாது?

மாட்டிகிட்டான்

பிக் பாஸ் நிகழ்ச்சியிலும் சரி, பிக் பாஸ் அல்டிமேட்டிலும் சரி டாஸ்கிற்கு பெயர் வைப்பதில் ஒன்னும் குறைச்சலே இல்லை என்று சொல்லலாம். எப்படிடா யோசிப்பீங்க என்று நாமே குழம்பும் அளவுக்கு விதவிதமாக பெயர் வைத்து வருகின்றனர். இன்றை நிகழ்ச்சியில் மாட்டிகிட்டான்... மாட்டிகிட்டான் என்ற டாஸ்க் கொடுக்கப்பட்டுள்ளது.

ஒரு பொய், இரு உண்மை

இதற்காக போட்டியாளர்கள் இரு அணிகளாக பிரிந்து ஒரு பொய்யான விஷயத்தையும், இரு உண்மையான விஷயத்தையும் சொல்ல வேண்டும். போட்டியாளர் சொல்லும் பொய்யான விஷயம் என்ன என்பதை குடுவையில் எழுதி போட்டுவிட வேண்டும். பொய்யான விஷயம் எது என சரியாக கண்டுபிடித்துவிட்டால், அந்த அணிக்கு ஹார்ட்டின் ஒரு பாகம் வழங்கப்படும். எந்த அணி விரைவாக முழுமையான இதய வடிவத்தை பெருகிறதோ அந்த அணி வெற்றி பெற்றாக அறிவிக்கப்படும்.

நொந்துபோன பிக் பாஸ்

இந்த பொய் டாஸ்க்கில் போட்டியாளர்கள் இடையே, ஒரு பொய், இரு உண்மை விஷயத்தை சொல்வதற்குள் ஒரு மகாபாரத யுக்தமே நடந்து விட்டது. டாஸ்க் என்னவென்றே தெரியாமல் பொய்யான விஷயத்தை எழுதிப்போட சொன்னால், எதையோ எழுதிப்போட்டு புரியாமலே விளையாடி வருகின்றனர். பல முறை பிக் பாஸ் எடுத்துக்கூறியும் இவர்களுக்கு டாஸ்க் புரியவில்லை. கடைசியில் நொந்துபோன பிக் பாஸ் நீங்களே சண்டைப்போட்டுக்கங்கன்னு சொல்லிவிட்டார்.

Recommended Video

Bigg Boss ultimate Day 2: காதல் கதையை Bigg Bossல் சொல்லிய Niroop abhirami | Abhi Niroop Love Story

இது கூடவா தெரியாது

இந்த டாஸ்க் மட்டுமல்ல எந்த டாஸ்க் கொடுத்தாலும் போட்டியாளர்களுக்கு அது புரிவதே இல்லை. இவர்களின் ஐகியூவை நினைத்து சிரிப்பதா அழுவதா? என்றே தெரியவில்லை. இன்றை நிகழ்ச்சியை பார்த்த பார்வையாளர்களே இதுகூடவா தெரியாது? ஒரு விளையாட்டை எப்படி விளையாட வேண்டும் என்ற தெளிவுகூடவா இல்லை என கேட்டு வருகின்றனர்.