பிக் பாஸ் அல்டிமேட் : பிராங் செய்த பாலா... கடுப்பான வனிதா அக்கா... ரணகளமான வீடு!

பிக் பாஸ் அல்டிமேட்

16 போட்டியாளர்களுடன் தொடங்கி பிக் பாஸ் அல்டிமேட் நிகழ்ச்சியில் தற்போது 14 போட்டியாளர்கள் இருக்கிறார்கள். பிக் பாஸ் வீடு நேற்றிலிருந்து 80ஸ் மாணவர்களின் கல்லூரியாக மாறி உள்ளது. சைக்கிள், பேருந்து நிறுத்தம், ஆடைகள், விக்குகள், அரங்கப் பொருட்கள் அனைத்தும் தரப்பட்டன. ஒவ்வொருவருக்கும் தனித்தனியான கேரக்டர் ஸ்கெட்ச் கூட தரப்பட்டு விட்டது. ஆனாலும் கூட போட்டியாளர்கள் சொதப்பினார்கள். இந்த டாஸ்க்கின் போதே வனிதாவுக்கும் பாலாவுக்கும் வாக்குவாதம் ஏற்பட்டது.

டபிள் எவிக்ஷன்

இதையடுத்து, இன்றைய நிகழ்ச்சியில், பிக் பாஸ் வீட்டிலிருக்கும் டெலிபோன் மணி அடிக்க பாய்ந்து வந்து எடுத்தார் பாலா. அதில், பிக் பாஸ் வீட்டிற்கு யாரும் விளையாட வந்த மாதிரி தெரியவில்லை, இதனால் இந்த வாரம் டபிள் எவிக்ஷன் இருக்கும் என்று கூறுகிறார். இதை கேட்டுக்கொண்ட பாலா, வீட்டிலிருக்கும் மற்ற போட்டியாளர்களிடம் , நீங்களே ஒருவரை ஒருவர் கலந்து பேசி, ஒருவரை இந்த வீட்டை விட்டு வெளியில் அனுப்பலாம் என்று கூறுகிறார்.

பிராங் செய்த பாலா

இதனால், உற்சாகமான போட்டியாளர்கள், இதுதான் சரியான நேரம் என்று வீட்டில் எதிரியாக நினைக்கும் போட்டியாளரின் பெயரை கூறுகின்றனர். இதை அனைத்தையும் அமைதியாக கேட்டுக்கொண்டு இருந்த பாலா, பிக் பாஸ் அப்படி சொல்லவில்லை நான் சும்மா பிராங் பண்ணேன் என்று அசால்டாக கூறுகிறார். இதனால் போட்டியாளர்கள் அனைவரும் செம கடுப்பாகிவிட்டனர்.

ரணகளமாக மாறிய வீடு

மற்றவர்கள் சும்மா இருக்கலாம், ஆனால் வனிதா அக்கா சும்மா இருப்பாங்களா? யாரை கேட்டு நீ பிராங் பண்ண என்று எகுற, யாரை கேட்கணும் கேப்டன் என்றால் எல்லாவற்றையும் கேட்கணுமா? இந்த வீட்டிற்கு விளையாடத்தானே வந்தீங்க இல்ல சாப்ட்டு தூங்க வந்தீங்களா ? என்று பதிலுக்கு பாலாவும் கத்த வீடே ரணகளமாக மாறியது.