பிக் பாஸ் அல்டிமேட்… பிரம்மாண்டமாக தயாராகும் வீடு… இணையத்தில் வலம் வரும் வீடியோ !

ராஜூ வின்னர்

பிக் பாஸ் சீசன் 5 நிகழ்ச்சி கடந்த ஞாயிற்றுக்கிழமை கோலாகலமாக முடிந்தது இதில் ராஜூ டைட்டில் வின்னரானார். பிரியங்காவுக்கு இரண்டாவது இடமும், பாவனி 3வது இடத்தையும், அமீர் மற்றும் நிரூப் 4 மற்றும் 5வது இடத்தையும் பிடித்தனர்.

எதிர்பார்க்கும் ரசிகர்கள்

விறுவிறுப்பாக நடைபெற்றுக்கொண்டு இருந்த இந்த நிகழ்ச்சி முடிந்ததை அடுத்து பிக் பாஸ் அல்டிமேட் ஷோ ஓடிடியில் 24 மணி நேரமும் ஒளிபரப்பாகும் என்ற அறிவிப்பு வெளியாகி உள்ளது. இதற்கான முதல் ப்ரோமோ வெளியாகி ரசிகர்களின் எதிர்பார்ப்பை அதிகரித்துள்ளது.

வனிதா

பிக் பாஸ் அல்டிமேட் போட்டியாளர்கள் பட்டியலின் நடிகை வனிதா மற்றும் நகைச்சுவை நடிகர் பரணி. பிக் பாஸ் நிகழ்ச்சிக்குள் வந்து தற்போது மாடலாக வலம் வரும் ஜூலி கலந்து கொள்வார் என்பது போல் தெரிகிறது. அதேபோல சுரேஷ் சக்ரவர்த்தி, கவிஞர் சினேகன், அபிராமி, சுஜா வருணி, ஷாரிக், நகைச்சுவை நடிகர் தாடி பாலாஜி, அனிதா சம்பத், பாலாஜி முருகதாஸ் மற்றும் ஷெரின் உள்ளிட்ட பழைய பிக் பாஸ் போட்டியாளர்கள் பிக் பாஸ் அல்டிமேட் போட்டியிலும் கலந்து கொள்வார்கள் என்று எதிர்பார்க்கப்படுகிறது.

பிரம்மாண்டமான வீடு

இந்நிலையில், பிக் பாஸ் அல்டிமேட் நிகழ்ச்சிக்காக புதுப்பொலிவுடன் பிக் பாஸ் வீடு தயாராகி வருகிறது. ப்ரோமோவில் கமல் சுவற்றை மட்டும் தூக்கி கட்டுங்க என்றார் அதேபோல, சுவற்றின் வேலைகளும் நடந்து வருகிறது. லிவ் ஏரியாவிலும், கார்டன் ஏரியாவிலும் பல மாற்றங்கள் செய்யப்பட்டுள்ளது. வீடு தயாராகும் வீடியோ இணையத்தில் வெளியாகி உள்ளது,