அடிக்கடி அப்பா விஜயக்குமாரை வம்புக்கு இழுக்கும் வனிதா... இன்னும் என்னவெல்லாம் பண்ண போகிறாரோ

வனிதா விஜயக்குமார் - விஜயக்குமார் சண்டை

நடிகை மஞ்சுளா உயிரிழந்த பிறகு, அப்பா விஜயக்குமார் மற்றும் மற்ற குடும்ப உறுப்பினர்களுடன் வனிதா விஜயக்குமாருக்கு பிரச்சனை ஏற்பட்டது. சென்னை - ஆலப்பாக்கத்தில் உள்ள வீடு தொடர்பாக விஜயக்குமார் மற்றும் வனிதா இடையே பெரிய அளவில் மோதல் ஏற்பட்டு, போலீஸ் வரை சென்றது விவகாரம். மஞ்சுளா பெயரில் இருக்கும் அந்த வீடு சினிமா ஷுட்டிங்கிற்காக வாடகைக்கு விடப்படுகிறது. இதனை ஷுட்டிங் என்ற பெயரில் வாடகைக்கு எடுத்த வனிதா, அம்மா பெயரில் இருக்கும் வீடு தனக்கு தான் சொந்தம் என வாதம் செய்ததால், விஜயக்குமார் போலீசில் புகார் அளித்தார்.

வனிதாவுடன் பேச்சுவார்த்தையில்லை

இந்த விவகாரத்திற்கு பிறகு விஜயக்குமார் குடும்பத்தை சேர்ந்தவர்களுக்கும், வனிதாவிற்கும் பேச்சுவார்த்தை இல்லாமல் போனது. வனிதாவின் இரண்டாவது கணவருடனான பிரச்சனை, மூன்றாவது திருமணம் என எந்த விவகாரத்திலும் விஜயக்குமார் குடும்பத்தினர் தலையிடவில்லை. வனிதாவை பற்றி பேசுவதையும் அவர்கள் தவிர்த்து வந்தனர்.

அப்பாவை ஏன் இழுக்குறீங்க

இப்படி வெளியில் பல பிரச்சனைகள் போய் கொண்டிருக்கையில் பிக்பாஸ் அல்டிமேட் நிகழ்ச்சியில் கலந்து கொண்டுள்ள வனிதா, அடிக்கடி அப்பா விஜயக்குமார் பற்றி பேசி வருகிறார். குடி அல்லது கடி டாஸ்க்கின் போது, அப்பாவின் சரக்கு பாட்டிலை தெரியாமல் திருடி எடுத்து குடுத்தது உண்டா என ஒரு கேள்வி வந்தது. அந்த டாஸ்க்கின் போது, இதில் எதற்காக எங்க அப்பாவை இழுக்க வேண்டும். ஏற்கனவே அந்த ஆளு என் கூட பேசுறது இல்ல. திட்டி தீர்கிறார். இதில் இப்படி ஒரு கேள்வி அவசியமா என விஜயக்குமார் பற்றி பேசினார். இதை யாரும் பெரிதாக கண்டுகொள்ளவில்லை.

உங்க பேர காப்பாத்திட்டேன் டாடி

இந்நிலையில் இன்றைய பிக்பாஸ் அல்டிமேட் ப்ரோமோவில், இந்த வாரம் நடத்தப்பட்ட, நீ யாருன்னு எனக்கு தெரியும் என்ற டாஸ்க்கில் சக போட்டியாளர்கள் அளித்த ஓட்டுக்கள் எண்ணிக்கையில் மற்றவர்களுக்கு விருது வழங்கும் நிகழ்ச்சி நடப்பதாக காட்டப்பட்டது. இதில் வீட்டில் நாட்டாமை செய்பவர் என்ற பட்டம் வனிதாவிற்கு வழங்கப்படுகிறது. 14 போட்டியாளர்களில் 12 பேர் வனிதாவின் பெயரை சொன்னதாக அனிதா கூறுகிறார். இந்த போர்டை கழுத்தில் மாட்டிக் கொள்ளும் வனிதா, டாடி...உங்க பேர காப்பாத்திட்டேன் டாடி என சொல்கிறார். நாட்டாமை படத்தில் சரத்குமாரின் அப்பா ரோலில் நடித்த விஜயக்குமார் நாட்டாமையாக நடித்ததையே வனிதா இன்று கூறி உள்ளார்.

Recommended Video

Akshara செய்தது தப்பில்லை, Abhirami செய்தது தப்பா? | Thamarai-யை வெச்சி செய்த Netizens | BB Ultimate

அவரை ஏன் வம்புக்கு இழுக்கிறார்

இந்த பார்த்த ரசிகர்கள், இவர் ஏன் அடிக்கடி நடிகர் விஜயக்குமாரை வம்பு இழுப்பதை போல் பேசுகிறார். ஏற்கனவே இந்த வாரம் முழுவதும் காஃபிக்காக இவர் பண்ணிய அலம்பல் தாங்க முடியல. இன்னும் என்னவெல்லாம் செய்ய போகிறாரோ தெரியவில்லை.பிக்பாஸ் வீட்டிற்குள்ளேயே விஜயக்குமாரை வம்பு இழுத்துக் கொண்டிருக்கிறார். வெளியில் போன பிறகு என்னவெல்லாம் செய்ய காத்திருக்கிறாரோ தெரியவில்லை என பலர் கூறுகின்றனர்.