உங்களுக்கு மறுபடியும் வேலை கொடுக்கலாம்ன்னு இருக்கேன்.. ஹவுஸ்மேட்ஸ்களை மிரட்டும் கமல்!

நினைத்தால் அது தவறு

இந்நிலையில் இன்றைய நிகழ்ச்சிக்கான முதல் புரமோ வெளியாகியுள்ளது. அதில் இந்தவாரம் ஒருவர் பணத்தை எடுத்துக்கொண்டு வெளியேறிவிட்டதால் இந்த வாரம் எவிக்ஷன் இல்லை என்று நினைத்தால் அது தவறு என்கிறார் கமல்.

மறுபடியும் வேலை

அப்போது ஷெரின், நாங்கள் எதிர்பார்த்துக்கொண்டிருக்கிறோம் என்கிறார். அதற்கு அப்படியா என்று கேட்கும் கமல், அப்போ உங்களுக்கு மறுபடியும் வேலை கொடுக்கலாம்னு இருக்கேன் என்கிறார். இப்படியாக முடிகிறது முதல் புரமோ.

தர்ஷன் வெளியேற்றம்

ஞாயிற்றுக்கிழமைக்கான எபிசோடும் சனிக்கிழமையே எடுக்கப்பட்டு விடுகிறது. இதனால் இந்தவாரம் பிக்பாஸ் வீட்டில் இருந்து தர்ஷன்தான் வெளியேறியிருக்கிறார் என்ற தகவல் வெளியாகியுள்ளது.

கழுதையை கூட வின்னராக்கி விடும்

இந்நிலையில் இந்த புரமோவை பார்த்த நெட்டிசன்கள் விஜய் டிவியையும் நிகழ்ச்சியையும் கழுவி ஊற்றியுள்ளனர். மேலும் விஜய் டிவி நினைத்தால் ஒரு கழுதையை கூட்டிவந்து கூட வின்னராக்கி விடும் என்று திட்டி தீர்த்து வருகின்றனர்.