செம செம.. ரிலீஸான 4 நாள்ல இவ்வளோ வசூலா.. ரஜினியை தொடர்ந்து சாதனை படைத்த விஜய்!

வெற்றி நடை

படம் எப்போது ரிலீஸாகும் என காத்திருந்த விஜயின் ரசிகர்கள் வெள்ளிக்கிழமை முதலே தீபாவளியை கொண்டாடி வருகின்றனர். உலகம் முழுவதும் பிகில் படம் ரிலீஸ் செய்யப்பட்டு வெற்றிநடை போட்டு வருகிறது.

ரூ.100 கோடி வசூல்

படம் குறித்து நெகட்டிவான விமர்சனங்கள் வந்த வண்ணம் இருந்தாலும் விஜய் ரசிகர்கள் படத்தை கொண்டாடி வருகின்றனர். இந்நிலையில் படம் ரிலீஸான முதல் மூன்று நாட்களில் உலகம் முழுக்க 100 கோடி ரூபாய் வசூல் செய்ததாக நேற்று தகவல் வெளியானது.

ரூ.150 கோடி வசூல்

இந்நிலையில் கடந்த 4 நாட்களில் மட்டும் உலகம் முழுவதும் பிகில் படம் 150 கோடி ரூபாய்க்கு மேல் வசூலை குவித்திருப்பதாக தகவல் வெளியாகியுள்ளது. ரஜினிகாந்துக்கு பிறகு இரண்டாவது தமிழ் ஹீரோ ஒருவரின் படம் 4 நாட்களில் 150 கோடி ரூபாயை குவித்திருக்கிறது என்றால் அது விஜயின் பிகில் படம் தான் என்றும் தெரிவிக்கப்பட்டுள்ளது.

ரசிகர்கள் கொண்டாட்டம்

இந்தியளவில் கடந்த வெள்ளிக்கிழமை ரிலீஸான படங்களில் அதிக வசூலை குவித்து பிகில் படம் டாப் 5ல் முதல் இடத்தை பிடித்துள்ளது. இந்நிலையில் 4 நாட்களில் 150 கோடி ரூபாய்க்கு மேல் குவித்து சாதனை படைத்திருப்பதை விஜய் ரசிகர்கள் கொண்டாடி வருகின்றனர்.