பாஜக வேட்பாளரான நடிகையின் சொத்து மதிப்பு ரூ. 101 கோடி மட்டுமே

ஹேமமாலினி

கடந்த 5 ஆண்டுகளில் ஹேமமாலினியின் சொத்து ரூ. 34.46 கோடி அதிகரித்துள்ளது. அவருக்கு ரூ. 101 கோடி சொத்துக்கள் உள்ளது. முன்னதாக 2014ம் ஆண்டில் அவரிடம் ரூ. 66 கோடி சொத்துக்கள் இருந்தது என்பது குறிப்பிடத்தக்கது.

தர்மேந்திரா

ஹேமமாலியின் கணவரும், பிரபல பாலிவுட் நடிகருமான தர்மேந்திராவின் சொத்து மதிப்பு ரூ. 12.30 கோடி அதிகரித்துள்ளது. கடந்த 5 ஆண்டுகளில் ஹேமமாலினியும், தர்மேந்திராவும் தலா ரூ. 10 கோடி சம்பாதித்துள்ளதாக கணக்கு காட்டப்பட்டுள்ளது.

பென்ஸ்

ஹேமமாலினியிடம் மெர்சிடீஸ் மற்றும் டொயோட்டா கார்கள் உள்ளன. கடந்த 2011ம் ஆண்டில் ரூ. 33. 62 லட்சத்திற்கு மெர்சிடீஸ் காரை வாங்கியுள்ளார். முன்னதாக 2005ம் ஆண்டு ரூ. 4.75 லட்சத்திற்கு டொயோட்டா காரை வாங்கியிருக்கிறார்.

பங்களா

ஹேமமாலினிக்கு ரூ. 6.75 கோடி கடன் உள்ளது. அவரது கணவருக்கு ரூ. 7.37 கோடி கடன் இருக்கிறது. கடன் தொகையில் பெரும்பகுதி மும்பை ஜுஹு பகுதியில் பங்களா கட்ட வாங்கியது. நிலம் வாங்கி ரூ. 58 கோடிக்கு பங்களா கட்டியுள்ளனர். தற்போது அந்த நிலம் மற்றும் பங்களாவின் மதிப்பு ரூ. 100 கோடி ஆகும்.