பழைய வலிமையை டிஸ்சார்ஜ் பண்ணு.. புதிய எதற்கும் துணிந்தவனை அட்மிட் பண்ணு.. ப்ளூ சட்டை மாறன் அதகளம்!

பால் பாக்கெட் திருடல

"சூர்யா ரசிகர்கள் ஒழுக்கமானவர்கள். ஆகவே அதிகாலை காட்சியின்போது பால் பாக்கெட், தண்ணீர் கேன்கள் திருடு போகவில்லை என வியாபாரிகள் மகிழ்ச்சி." என ஆரம்பத்திலேயே மீண்டும் அஜித் ரசிகர்களை வம்பிழுத்து எதற்கும் துணிந்தவன் படம் பக்கம் தனது பார்வையை திருப்பி உள்ளார் விமர்சகரும் ஆன்டி இண்டியன் பட இயக்குநருமான ப்ளூ சட்டை மாறன்.

மெகா சீரியல்

'எதற்கும் துணிந்தவன்' மெகா சீரியல் போல் உள்ளது என யூ ட்யூப் சேனலுக்கு பேட்டி அளித்துவிட்டு.. தப்பி ஓடிய மர்ம நபருக்கு ரசிகர்கள் வலைவீச்சு. என சூர்யாவின் எதற்கும் துணிந்தவன் படம் மெகா சீரியல் ரேஞ்சுக்கு உள்ளதாக ட்ரோல் செய்து சூர்யா ரசிகர்களை வம்பிழுத்துள்ளார்.

குடும்பங்கள் கொண்டாடும் வெற்றி

'ரிலீஸாகி ரெண்டு நாள் ஆகியும் செல்ஃப் எடுக்கலன்னா எப்படி கூவனும்?' 'குடும்பங்கள் கொண்டாடும் வெற்றி' 'கரெக்ட்' என போட்டோ மீம்களாக போட்டு எதற்கும் துணிந்தவன் படத்திற்கு எப்படி விமர்சனம் பண்ண போறாருன்னு இப்பவே சிம்பாலிக்கா சொல்லி வருகிறார் ப்ளூ சட்டை மாறன்.

பாக்ஸ் ஆபிசர்ஸ் பரிதாபங்கள்

மெகாஹிட், நம்ம ஹீரோவுக்கு சூப்பர் கம்பேக் என ஒரு ஆபிசரும், சூப்பர் பிளாக்பஸ்டர்.. எல்லா ஷோவும் ஹவுஸ்ஃபுல் என இன்னொரு ஆபிசரும், பக்கா குடும்ப படம் என இன்னொரு ஆபிசரும் இன்னைக்கு ட்வீட் போடுவாங்க என்றும், திங்கட் கிழமை நூறு கோடி முதல் 300 கோடி வரை என வடை சுடுவார்கள் என பாக்ஸ் ஆபிசர்ஸ் பரிதாபங்கள் என்று போட்டு டிராக்கர்களையும் கழுவி ஊற்றி இருக்கிறார்.

வலிமையையும் விடல

"இந்த ஞாயிற்றுகிழமை வலிமை வசூல் 500 கோடியை தொடும் என்று பாக்ஸ் ஆபீஸ் பஞ்சாபகேஷன் பக்குவமாக கணிப்பு" என எதற்கும் துணிந்தவன் வெளியான பின்னரும் அந்த பேஷன்ட்டை. டிஸ்சார்ஜ் செய்யாமல் அடித்து துவைத்து வருகிறார்.

பாவம் பிரபாஸ்

இதையெல்லாம் தாண்டி நாளை தியேட்டர்களில் வெளியாக உள்ள பிரபாஸின் ராதே ஷ்யாம் படத்தையும் வச்சு செய்துள்ளார். " ராதே ஷ்யாம்னு ஒரு அகில இந்திய படத்தை நாளைக்கி ரிலீஸ் பண்ணுறேன். எவனாச்சும் கண்டுக்கறானா பாத்தியா?" என வேறலெவலில் ட்ரோல் செய்துள்ளார்.

காண்டான ரசிகர்கள்

இதுவரை அஜித் ரசிகர்களை வலிமை படத்தை வைத்து ஓட்டி வந்த நிலையில், இப்போ சூர்யா பக்கம் ப்ளூ சட்டை மாறன் திரும்பியுள்ளதை அறிந்த ரசிகர்கள் அவரை வழக்கம் போல கண்டபடி திட்டி வருகின்றனர். அடுத்த இலக்கு பீஸ்ட் தான் என்றும் விஜய் ரசிகர்கள் இவருக்கு சப்போர்ட் செய்ய வேண்டாம் என்றும் ரசிகர்கள் கோரிக்கை வைத்து வருகின்றனர். இதெல்லாம் எங்கே போய் முடியப்போகுதோ!