ஐஸ்வர்யா ராய் சந்தோஷ் சுப்ரமணியம் பிரகாஷ் ராஜ் போன்றவரா?

By Siva

Published: Thursday, November 1, 2018, 12:59 [IST]

Recommended Video

மகளை பார்த்து பார்த்து வளர்க்கும் ஐஸ்வர்யா ராய்

மும்பை: நடிகை ஐஸ்வர்யா ராய் இன்று தனது 45வது பிறந்தநாளை கொண்டாடுகிறார்.

எத்தனையோ பேர் உலக அழகி பட்டம் பெற்றாலும் ஐஸ்வர்யா ராய்க்கு மட்டும் தனிச் சிறப்பு உண்டு. சில ஆண்டுகளுக்கு முன்பு, ஏன் தற்போதும் கூட சில ஆண்கள் திருமணத்திற்கு பெண் தேடும் போது ஐஸ்வர்யா ராய் மாதிரி பெண் வேண்டும் என்றார்கள், என்கிறார்கள்.

தான் அழகி என்று பெருமைப்படும் பெண்ணை பார்த்தால் ஆமா, பெரிய ஐஸ்வர்யா ராய்னு நினைப்பு என்று பலர் கூறியுள்ளனர். அழகே பார்த்து பொறாமைப்படும் அழகி ஐஸ்வர்யா இன்று தனது 45வது பிறந்தநாளை கொண்டாடுகிறார். கணவர், மகளுடன் கோவாவில் தனது பிறந்தநாளை கொண்டாடுகிறார்.

வெற்றி

உலக அழகிப் பட்டம் வென்ற பிறகு நடிகை அவதாரம் எடுத்த ஐஸ்வர்யா ராய் முன்னணி நடிகையானார். குழந்தை பிறந்த பிறகு மகள் ஆராத்யாவுக்காக அவ்வளவாக படங்களில் நடிப்பது இல்லை. மகளின் அருகிலேயே இருந்து பார்த்து பார்த்து வளர்க்க வேண்டும் என்பதால் ஒரு சில படங்களில் நடித்து வருகிறார்.

அம்மா

ஐஸ்வர்யா ராய் எங்கு சென்றாலும் ஆராத்யாவின் கையை பிடித்துக் கொண்டே செல்கிறார். ஆராத்யாவை அவரின் அப்பா, தாத்தா, பாட்டியுடன் பார்த்ததை விட ஐஸ்வர்யாவுடன் தான் அதிகம் பார்த்துள்ளனர். ஐஸ்வர்யா தனது மகளுக்கு சுதந்திரம் அளிக்காமல் தனது கட்டுப்பாட்டில் வைத்திருப்பதாக அதாவது சந்தோஷ் சுப்ரமணியம் படம் பிரகாஷ் ராஜ் போன்று நடந்து கொள்வதாக குற்றச்சாட்டு எழுந்தது. அதை எல்லாம் ஐஸ்வர்யா கண்டுகொள்ளவில்லை.

சினிமா

ஐஸ்வர்யா தனது மகளை தன் வழியில் நடிகையாக்கிப் பார்க்க விரும்பவில்லை. ஆராத்யாவுக்கு எது விருப்பமோ அப்படியே செய்யட்டும் என்கிறார். ஆராத்யாவை பிற குழந்தைகள் போன்று சாதாரணமாக வளர்க்க விரும்புகிறார். மீடியாக்களின் கண்ணில் இருந்து மகளை தள்ளியே வைக்க விரும்புகிறார் ஐஸ்வர்யா.