தளபதி 65 அடுத்த அப்டேட் வந்தாச்சு...விஜய்க்கு வில்லனாக பாலிவுட் ஆக்ஷன் ஹீரோ

சென்னையில் பிரம்மாண்ட செட்

தளபதி 65 படத்தின் அடுத்த கட்ட படப்பிடிப்பை சென்னையில் நடத்த திட்டமிட்டுள்ளனர். தற்போது கொரோனா பரவல் காரணமாக ஷாப்பிங் மால்கள் அனைத்தும் மூடப்பட்டுள்ளதால், ஷாப்பிங் மால் போன்ற பிரம்மாண்ட செட் அமைக்கப்பட்டு வருவதாக சமீபத்தில் கூறப்பட்டது.

வில்லனாக பாலிவுட் ஹீரோ

லேட்டஸ்ட் அப்டேட்டாக, இந்த படத்தில் விஜய்க்கு வில்லனாக நடிக்க பாலிவுட் ஹீரோ ஜான் ஆப்ரகாமிடம் பேசப்பட்டுள்ளதாம். தூம் 1, ரேஸ் 2, மும்பை சாகா போன்ற பாலிவுட் பிளாக்பஸ்டர் படங்களில் நடித்தவர் ஜான் ஆப்ரகாம். அதிகமானவர்கள் விரும்பும் ஆக்ஷன் ஹீரோ என்பதால் தளபதி 65 ல் அவர் இணைவார் என எதிர்பார்க்கப்படுகிறது.

விரைவில் அறிவிக்க வாய்ப்பு

இது படக்குழுவிற்கு நெருங்கிய வட்டாரங்கள் கூறும் தகவல் மட்டுமே. ஆனால் படக்குழு சார்பில் இதுவரை அதிகாரப்பூர்வ அறிவிப்பு ஏதும் வெளியிடப்படவில்லை. தளபதி 65 ல் இணைய ஜான் ஆப்ரகாம் ஓகே சொன்ன பிறகு, விரைவில் அடுத்தடுத்த அப்டேட் வரும் என எதிர்பார்க்கப்படுகிறது.

Recommended Video

Thala Ajith, Thalapathy Vijay & Tamil Actor, Actress Rare Pictures | Vjs, Suriya | Filmibeat Tamil

படப்பிடிப்பு நிறுத்தப்படுமா

தற்போது கொரோனா பரவலால் தமிழகத்தில் 15 நாட்களுக்கு லாக்டவுன் அமல்படுத்தப்பட்டுள்ளதால், தளபதி 65 படப்பிடிப்பும் நிறுத்தப்படலாம் என கூறப்படுகிறது. ஏற்கனவே பல முன்னணி ஹீரோக்களின் பட சூட்டிங், படங்களின் ரிலீஸ் கொரோனா பரவல் காரணமாக ஒத்திவைக்கப்பட்டுள்ளது.