Click it and Unblock the Notifications
நடிகை ஜியா கான் தற்கொலை: இந்தி கஜினியில் நயனதாரா ரோலில் நடித்தவர்
பாலிவுட் படங்களில் நடித்து வந்தவர் ஜியா கான்(25). இங்கிலாந்தில் வளர்ந்த அவர் அண்மையில் தான் தனது தாயுடன் மும்பை ஜுஹு பகுதியில் செட்டிலானார். கஜினி இந்தி ரீமேக்கில் நயன்தாராவின் கதாபாத்திரத்தில் நடித்து புகழ் பெற்றவர். அவர் அண்மை காலமாக சொந்த பிரச்சனைகள் காரணமாக மன அழுத்தத்தில் இருந்ததாக கூறப்படுகிறது.
படங்களில் நடிக்காமல் இருந்த அவர் தற்போது புதிய வாய்ப்புகளை தேடிக் கொண்டிருந்தாராம். இந்நிலையில் அவர் நேற்று இரவு 11 மணிக்கு தனது வீட்டில் தூக்கு போட்டு தற்கொலை செய்து கொண்டார். இது குறித்து தகவல் அறிந்த போலீசார் சம்பவ இடத்திற்கு விரைந்து சென்று அவரது உடலை மீட்டு பிரேத பரிசோதனைக்காக கூப்பர் மருத்துவமனைக்கு அனுப்பி வைத்தனர்.
அவரது வீட்டில் தற்கொலைக் கடிதம் ஏதும் சிக்கவில்லை. சம்பவம் நடந்தபோது அவரது தாயார் வீட்டில் இருந்துள்ளார்.
அவர் அமிதாப் பச்சனுக்கு ஜோடியாக நிஷப்த் படத்தில் நடித்தவர் என்பது குறிப்பிடத்தக்கது.
ஜியா கானின் தற்கொலை தொடர்பாக அவரது பாய் பிரண்ட் சூரஜ் பஞ்சோலியிடம் போலீசார் விசாரணை நடத்தி வருகின்றனர். இவர் நடிகர் ஆதித்ய பஞ்சோலியின் மகன் ஆவார்.
Continue with Google