மல்லிகா ஷெராவத், ஜீவன் நடிக்கும் ‘பாம்பாட்டம்‘..ஹாலிவுட் தரத்திற்கு மிரட்டிய டிரைலர்!

பாம்பாட்டம்

பிலிம் கார்டன் பட நிறுவனம் சார்பில் வி.பழனிவேல் தயாரிப்பில் சி.வடிவுடையான் இயக்கத்தில் உருவாகியுள்ள திரைப்படம் பாம்பாட்டம். பாம்மை மையமாக வைத்து வரலாற்று பின்னணியில் உருவாகியுள்ள இப்படத்தில் பாலிவுட் நடிகை மல்லிகா ஷெராவத் மகாராணியாக நடித்துள்ளார்.

ஹாலிவுட் தரத்திற்கு

நான் அவனில்லை, திருட்டு பயலே படத்தில் நடித்த ஜீவன் கிட்டத்தட்ட 10 வருடங்களுக்குப்பிறகு இப்படத்தில் இரட்டை வேடத்தில் நடித்துள்ளார். தமிழ், தெலுங்கு, இந்தி மொழிகளில் ஹாலிவுட் தரத்தில் உருவாகியுள்ள இப்படத்தின் டிரைலரை நடிகர் ஆர்யா வெளியிட்டார். 120 அடி நீள ராட்சத பாம்பு செய்யும் அட்டகாசத்தால் அரண்மனையில் அடிக்கடி மரணம் நிகழ்கிறது. இதனால், அரண்மனையை அரசு தடைசெய்யப்பட்ட பகுதியாக அறிவிக்கிறது. இருப்பினும் மர்ம மரணம் தொடர்கிறது. இந்திய சினிமாவில் இதுவரை பார்க்காத ஆச்சரியத்தை ஹாலிவுட் தரத்திற்கு இயக்குநர் கொடுத்துள்ளார்.

பிரம்மாண்ட செட்

பாம்பாட்டம் படம் குறித்து பேசிய இயக்குனர் வி.சி.வடிவுடையான், பொதுவாக அனைவருடைய வாழ்க்கையுமே ஒரு பரமபதம்தான். அதுபோல ஒரு சாம்ராஜ்யத்தின் பரமபத ஆட்டம்தான் 'பாம்பாட்டம்' ஒரு சாம்ராஜ்யம் சந்திக்கும் ஏற்ற, இறக்கங்கள் தான் படத்தின் கதை, கி.பி.1000, 1500, 1980 என மூன்று காலகட்டங்களில் கதை நகரும். இதற்கான செட், உடைகள், அந்தந்த காலக்கட்டத்தை உங்கள் கண்முன் நிறுத்தும் வகையில் பிரம்மாண்டமாக செட் போடப்பட்டது.

சுவாரஷ்யமான பல காட்சிகள்

மேலும், படத்தின் கிராபிக்ஸ் காட்சிகள் அனைத்து தரப்பு ரசிகர்களையும் கவரும் வகையிலும், குடும்பமாக வந்து ரசிக்கும் அளவுக்கு சுவாரஷ்யமாக பல காட்சிகள் இருக்கும். போர்க் காட்சிகளுக்காக பயிற்சி பெற்ற நூற்றுக்கணக்கான குதிரைகள் பயன்படுத்தப்பட்டன. மும்பை தவிர, சென்னை, மைசூர் அரண்மனை உள்ளிட்ட இடங்களில் படப்பிடிப்பு நடத்தியுள்ளோம் என்றார். இன்று டிரைலர் வெளியாகி உள்ள நிலையில், பாம்பாட்டம் திரைப்படத்தின் ரிலீஸ் தேதி விரைவில் அதிகாரப்பூர்வமாக வெளியாகும்.