Don't Miss!
- News பூமியின் ராட்சத பாம்பு இதுதான்.. 50 அடி நீள ‛வாசுகி’.. குஜராத்தில் கண்டுபிடித்த ஆய்வாளர்கள்
- Technology இதுதான் ஆஃபர்.. ரூ.6,999 போதும்.. 5000mAh பேட்டரி.. LCD டிஸ்பிளே.. POCO போனை வாங்க சரியான நேரம்..
- Finance நரேந்திர மோடி ஆட்சி மீண்டும் பிடித்தால்.. முதல் வேலையாக 3 அரசு நிறுவன பங்குகளை விற்பது தான்..!
- Sports வன்மத்தை கக்கிட்டாரு.. தோனியை வம்புக்கு இழுத்த கவுதம் கம்பீர்.. கொந்தளிக்கும் சிஎஸ்கே ரசிகர்கள்!
- Automobiles 10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
- Lifestyle இந்தியாவின் டாப் 10 ஏழை மாநிலங்கள் என்னென்ன தெரியுமா? கடைசி இடத்துல இருக்கிறத பார்த்தா ஷாக் ஆகிடுவீங்க...!
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
கமல் போல கொடி நாட்டுவாரா விஜய் சேதுபதி.. இந்தியில்!
சென்னை: தனது நடிப்பால் இந்தித் திரையுலக சூப்பர் ஸ்டார்களை மிரள வைத்தவர் கமல்ஹாசன். தென்னிந்தியாவிலிருந்து இந்திக்குப் போய் கொடி நாட்டிய ஒரே நாயகன் கமல்ஹாசன் மட்டுமே.
இப்போது விஜய் சேதுபதிக்கு ஒரு அட்டகாசமான வாய்ப்பு வந்துள்ளது. இந்தியில் நடிக்கும் வாய்ப்புகள் விஜய் சேதுபதியைத் தேடி வந்துள்ளன. தமிழ் சினிமாவில் கமலுக்கு அடுத்து வித்தியாசமான நாயகனாக வலம் வருபவர் விஜய் சேதுபதி.
அந்த வரிசையில் இந்தியிலும் கமலைப் போலவே விஜய் சேதுபதியும் தனி முத்திரை பதிப்பாரா என்ற பெரும் சுவாரஸ்யமான எதிர்பார்ப்பு எழுந்துள்ளது.
இந்தி வாய்ப்பு
மலையாளம், தெலுங்கு படங்களைத் தொடர்ந்து மக்கள் செல்வன் விஜய் சேதுபதி இந்தி படத்தில் நடிக்கவுள்ளதாக தகவல்கள் வெளியாகியுள்ளன.
இந்த ஆண்டு விஜய் சேதுபதிக்கு தமிழில் அதிக படங்கள் ரிலீஸ் ஆகியுள்ளதோடு மலையாளத்தில் மார்கோனி மத்தாய், தெலுங்கில் சைரா நரசிம்ம ரெட்டி ஆகிய படங்களில் நடித்துள்ளார்.
ஆமிர்கானுடன்
சமீபத்தில் விஜய் சேதுபதியின் சங்கத் தமிழன் படப்பிடிப்பிற்கு, பாலிவுட் நடிகர் அமீர் கான் வந்திருந்தார். ஆஸ்கர் வென்ற ஹாலிவுட் படமான பாரஸ்ட் கம்ப் படத்தை ஆமிர்கான் இந்தியில் ரீமேக் செய்யவுள்ளதாகவும் இதில் விஜய் சேதுபதி முக்கிய கதாபாத்திரத்தில் நடிக்கவுள்ளதாகவும் தகவல்கள் வெளியாகியுள்ளன.
இந்தியில் விக்ரம் வேதா
இதனிடையே கடந்த 2017 ஆம் ஆண்டு தமிழில் வெளியாகிப் பிரம்மாண்ட வெற்றி பெற்ற படமாக அமைந்த விக்ரம் வேதா படத்தின் இந்தி ரீமேக்கில் முதலில் ஷாருக்கான் நடிப்பதாக இருந்து இப்போது அமீர்கான் வேதா கதாபாத்திரத்தில் நடிக்க இருக்கிறார். மாதவன் கதாபாத்திரத்தில் சாயிப் அலிகான் நடிக்க உள்ளார்.
பாராட்டிய ஷாருக் கான்
ஆஸ்திரேலியாவின் மெல்போர்ன் நகரில் கடந்த 8-ஆம் தேதி தொடங்கி நடைபெற்று வந்த இந்திய திரைப்பட விழா இன்றுடன்(ஆகஸ்டு 15ஆம் தேதி) முடிவடையவுள்ளது. இந்த விழா மேடையில் பேசிய பாலிவுட் நடிகர் ஷாருக்கான், விஜய் சேதுபதி நடித்த சூப்பர் டீலக்ஸ் திரைப்படத்தில் விஜய் சேதுபதியின் நடிப்பு அசாத்தியமானது என்றார்.
ஆச்சரியமில்லை
விஜய் சேதுபதியை எதார்த்தமான நடிகர் என வெகுவாக பாராட்டி பேசிய பாலிவுட் நடிகர் ஷாருக்கான் , அவரை கட்டியணைத்து என் வாழ்நாளில் நான் கண்ட சிறந்த மனிதர் அற்புதமான நடிகர் நீங்கள் என்று விஜய் சேதுபதியை பாராட்டியுள்ளார். ஆமிர்கானோடு நடிக்கும் விஜய் சேதுபதி அடுத்து ஷாருக்கானுடன் நடித்தாலும் ஆச்சர்யபடுவதற்கில்லை.