கல்யாணத்துக்கு ரெடியான பாலிவுட் கிளாமர் குயின்: காதலரை கரம்பிடிக்க நல்லநாளும் குறிக்க போறாங்களாம்!

தோனியின் மனைவியாக கியாரா அத்வானி

பாலிவுட் கிளாமர் குயின் கியாரா அத்வானியை தெரியாதவர்கள் யாருமே இருக்க முடியாது. அவர் நடித்த முதல் படமான Fugly பெரிய வரவேற்பை பெறவில்லை. ஆனால், அதனைத் தொடர்ந்து அவர் நடித்திருந்த கிரிக்கெட் வீரர் தோனியின் பயோபிக்காக வெளியான 'M.S Dhoni: The Untold Story' படத்தில், மெகா சிக்ஸர் அடித்து தனது கணக்கைத் தொடங்கினார். ஆம், இதில், தோனியின் மனைவி சாக்‌ஷி பாத்திரத்தில் நடித்து கலக்கியிருந்தார்.

கிளாமர் குயினின் சர்ச்சைகள்

உருக்கி எடுத்த ஒயிட் சாக்லேட் போல ஒய்யாரமாக நடைபோடும் கியாரா அத்வானி, பாலிவுட் ரசிகர்களின் கனவுக் கன்னியாகவும் கிளாமர் குயினாகவும் கொண்டாடப்படுகிறார். அவரை திரையில் பார்த்த யாரும் கிறங்காமல் இருக்க முடியாதபடி, அனைவரையும் தனது பார்வையாலேயே சுண்டி இழுத்துவிடும் மலாய் குல்ஃபி இந்த கியாரா அத்வானி. எந்தவிதமான கேரக்டர்களிலும் துணிந்து நடிக்கும் கியாரா, 'லஸ்ட் ஸ்டோரிஸ்' படத்தில் நடித்து, பயங்கர சர்ச்சையை கிளப்பினார்.

ராம் சரணுடன் ஆட்டம் போடும் கியாரா

பாலிவுட்டில் கியாரா அத்வானி நடித்த படங்கள் குறைவுதான் என்றாலும், இவரது தாராள மனம் டோலிவுட் வரை கொண்டு வந்துள்ளது. இயக்குநர் சங்கர் - ராம் சரண் கூட்டணியில் ஹீரோயினாக நடிக்கப் போவது "அவர்தான் இவர்தான்" என எல்லோரும் ஆளுக்கொருவரை கை காட்ட, சத்தமே இல்லாமல் அக்ரிமெண்டில் சைன் போட்டு, கெத்து காட்டினார் கியாரா அத்வானி. இதோ தற்போது ராம் சரணின் படத்தில் படு பிஸியாக நடித்து வருகிறார்.

சித்தார்த் மல்ஹோத்ராவுடன் காதல்

கவர்ச்சி, சர்ச்சை இதெல்லாம் ஒருபக்கம் இருக்க, இதையெல்லாம் பேலன்ஸ் செய்வதற்காக பாலிவுட் நடிகர் சித்தார்த் மல்ஹோத்ராவுடன் கியாரா அத்வானிக்கு காதல் என கிசுகிசுக்கப்பட்டன. ஒருகட்டத்தில் இவர்களது காதல் கன்ஃபார்ம் ஆனது, கியாரா அத்வானியும் சித்தார்த் மல்ஹோத்ராவும் டேட்டிங் செல்வதையே தங்கள் டியூட்டியாக வைத்திருந்தனர்.

காதல் பிரேக் அப்

இந்நிலையில், இருவரது காதலும் திடீரென பிரேக்-அப் ஆகிவிட்டதாக சொல்லப்பட்டது. இது உண்மையென நம்பிய கியாராவின் ரசிகர்கள் 'அட இப்படி ஆகிப்போச்சே" என தலையில் கைவைத்து உட்கார்ந்துவிட்டனர். ரசிகர்களின் இந்த கவலையைப் போக்க, ஜூலை 31ம் தேதி பிறந்தநாள் கொண்டாடிய கியாரா அத்வானிக்கு, துபாயில் செம்மையாக ட்ரீட் வைத்து அசத்திவிட்டார் சித்தார்த் மல்ஹோத்ரா.

விரைவில் திருமணம்

அதுமட்டும் இல்லாமல் பர்த்டே பார்ட்டி கொண்டாடிய கையோடு, துபாயில் இருந்து மும்பை திரும்பிய இந்த ஜோடி, சித்தார்த் மல்ஹோத்ரா வீட்டில் ரெஸ்ட் எடுத்துவருவதாக சொல்லப்படுகிறது. அதோடு கியாராவும் சித்தார்த்தும், இருவரது வீட்டார் சம்மதத்துடன் விரைவில் திருமணம் செய்ய உள்ளதாகவும் தெரிகிறது. இதுபத்தி சீக்கிரமே அபிஸியல் அப்டேட் வரும் என எதிர்பார்க்கப்படுகிறது.