நெகட்டிவ் ரோலில் அஜித்.. AK61 ஆரம்பம் என ட்வீட் போட்ட போனி கபூர்.. வலிமை புரமோஷன் எங்கப்பா?

ஹாட்ரிக் கூட்டணி

நேர்கொண்ட பார்வை மூலம் இணைந்த தயாரிப்பாளர் போனி கபூர், இயக்குநர் எச் வினோத் மற்றும் நடிகர் அஜித் குமார் கூட்டணி வலிமை படத்தைத் தொடர்ந்து மூன்றாவது முறையாக ஏகே 61 படத்திற்காக இணைந்துள்ளது. அந்த படத்தின் ஆரம்ப பணிகள் ஆரம்பித்து விட்டதாக தயாரிப்பாளர் போனி கபூர் அறிவித்துள்ளார்.

நெகட்டிவ் ரோல்

பிங்க் படத்தின் ரீமேக்கை தயாரிப்பாளர் போனி கபூருக்காக இயக்குநர் எச் வினோத் இயக்கிய நிலையில், ரசிகர்களுக்காக வலிமை படத்தை உருவாக்கி உள்ளார். இந்நிலையில், தனக்கே உரிய ஸ்டைலான டார்க் ஷேட் படம் ஒன்றை நடிகர் அஜித் குமாருக்காக உருவாக்க காத்திருக்கிறார் இயக்குநர் எச். வினோத்.

புதிய லுக்

காதில் கடுக்கன் உடன் நடிகர் அஜித் குமார் சமீபத்தில் வெளியே தென்பட்ட ஒரு வீடியோ வைரலானதில் இருந்தே ஏகே 61 படத்தில் இந்த கெட்டப் உடன் தான் அஜித் தோன்ற உள்ளார் என ரசிகர்கள் எதிர்பார்த்த நிலையில், இன்று நடிகர் அஜித் குமாரின் ஏகே 61 படத்தின் புதிய லுக் புகைப்படம் டிரெண்டானது. அதனை தொடர்ந்து அதன் டார்க் ஷேட் புகைப்படத்தை தயாரிப்பாளர் போனி கபூர் அதிகாரப்பூர்வமாக போட்டுள்ளார்.

பிடித்து விட்டால்

தனக்கு ஒரு இயக்குநர் செட் ஆகி விட்டால், அவரது உழைப்பு நடிகர் அஜித் குமாருக்கு பிடித்து விட்டால் தொடர்ந்து அவருடன் பணியாற்றும் பழக்கத்தை கொண்டுள்ளார். இயக்குநர் சிவாவுடன் தொடர்ந்து வீரம், வேதாளம், விவேகம், விஸ்வாசம் என 4 படங்களில் நடித்த நிலையில், இயக்குநர் வினொத் உடன் 3வது படத்தில் நடிக்க சம்மதித்துள்ளார் அஜித்.

மங்காத்தாவை தூக்கி சாப்பிடும்

வாலி, வில்லன், வரலாறு, மங்காத்தா என ஏகப்பட்ட படங்களில் நடிகர் அஜித் நெகட்டிவ் ரோலில் நடித்துள்ளார். மங்காத்தா படத்தில் உச்சகட்டமாக கிரே ஷேடில் அஜித் நடித்திருப்பார். இந்நிலையில், இந்த படம் மங்காத்தாவையே தூக்கி சாப்பிடும் என எதிர்பார்க்கப்படுகிறது. இந்த ஆண்டு இறுதிக்குள் படம் வெளியாகும் என்றும் தகவல்கள் தெரிவிக்கின்றன.

Recommended Video

Ajith Sir இதை சொல்லும்போது வெக்கமா வரும் !Valimai Villain First Exclusive Tamil Interview

வலிமை புரமோஷன் எங்கப்பா?

இன்னும் ஒரு வாரத்தில் வலிமை திரைப்படம் வெளியாக உள்ள நிலையில், ரசிகர்களை ஒட்டுமொத்தமாக அந்த படத்திற்காகவே ட்யூன் செய்வதை விட்டு அடுத்த படத்தின் மீது கவனம் செலுத்த தயாரிப்பாளர் போனி கபூர் முனைவது ஏன் என்கிற கேள்வியை அஜித் ரசிகர்களே கிளப்பி வருகின்றனர். வலிமை திருவிழா முடிந்த பின்னர் தான் ஏகே 61 பக்கம் திரும்புவோம் என்பதிலும் உறுதியாக உள்ளனர்.