எதிர்பார்த்தது போன்றே காதலியை பிரிந்த நடிகர்: 'அந்த' நடிகை தான் காரணம் என்னும் நெட்டிசன்ஸ்

நெருக்கம்

முன்னதாக கடந்த பிப்ரவரி மாதம் நடந்த ஆஸ்கர் விருது விழாவில் பிராட்லி கூப்பரும், பாடகியும், நடிகையுமான லேடி காகாவும் சேர்ந்து மேடையில் பாடல் பாடினார்கள். அப்பொழுது அவர்களுக்கு இடையேயான நெருக்கத்தை பார்த்தவர்கள் இது காதல் போன்று உள்ளது என்றார்கள். மேலும் ஆஸ்கர் விருது விழா நடந்த அன்று சமூக வலைதளங்களில் பிராட்லி கூப்பர், லேடி காகா இடையேயான நெருக்கம் பற்றித் தான் அதிகம் பேசப்பட்டது.

லேடி காகா

ஆஸ்கர் விழா முடிந்த கையோடு லேடி காகா தனது வருங்கால கணவர் கிறிஸ்டியன் கரினோவை பிரிந்துவிட்டார். அந்த பிரிவு குறித்து அவர் அண்மையில் தான் பேசினார். இந்நிலையில் பிராட்லி கூப்பரும் தனது காதலியை பிரந்துள்ளார். பிராட்லி கூப்பரும், ஐரினாவும் பிரிவதற்கு லேடி காகா தான் காரணம் என்று ஏற்கனவே சமூக வலைதளங்களில் பேசத் துவங்கிவிட்டனர். சிலரோ ஒருபடி மேலே போய் லேடி காகா கர்ப்பமானதால் கூப்பர் ஐரினாவை பிரிந்துவிட்டார் என்று தெரிவித்துள்ளனர்.

ஆஸ்கர்

காதல் பாடலை மேடையில் பாடியதால் அந்த உணர்வு பார்வையாளர்களுக்கு வர வேண்டும் என்று நினைத்தோம். அதற்காக நானும், பிராட்லி கூப்பரும் காதலிப்பதாக பேசுவதா என்று லேடி காகா முன்பு கேள்வி எழுப்பியிருந்தார். மேலும் தங்களை பற்றி காதல் வதந்தி கிளப்பிவிட்ட நெட்டிசன்களையும் விளாசினார்.

அதிர்ச்சி

ஐரினா தான் தனக்கு ஏற்ற வாழ்க்கை துணை என்று தெரிவித்து வந்துள்ளார் பிராட்லி கூப்பர். இந்நிலையில் அவர்கள் இருவரும் பிரிந்தது அவர்களுக்கு நெருக்கமானவர்களை அதிர்ச்சி அடைய வைத்துள்ளது.