CCL 2026 Semi Final: 11 பந்துகளில் 6 சிக்ஸர்.. பெங்கால் டைகர்ஸ் த்ரில் வெற்றி!

சென்னை: பிரபல நட்சத்திரங்கள் பங்கேற்கும் கிரிக்கெட் லீக் (CCL) 2026 தொடரின் அரையிறுதிப் போட்டியில், பெங்கால் டைகர்ஸ் அணி, கேரளா ஸ்ட்ரைக்கர்ஸ் அணியை 5 விக்கெட் வித்தியாசத்தில் பரபரப்பாக வீழ்த்தி இறுதிப் போட்டிக்குள் நுழைந்தது.

பெங்கால் டைகர்ஸ் அணி டாஸ் வென்று முதலில் பந்துவீச்சைத் தேர்வு செய்தது. இதையடுத்து களமிறங்கிய கேரளா ஸ்ட்ரைக்கர்ஸ் அணி, முதல் 10 ஓவர் இன்னிங்ஸில் 5 விக்கெட் இழப்பிற்கு 93 ரன்கள் எடுத்தது. தொடர்ந்து இரண்டாவது 10 ஓவர் இன்னிங்ஸில் 4 விக்கெட் இழப்பிற்கு 119 ரன்கள் குவித்தது. மொத்தமாக 20 ஓவர்களில் 177/6 ரன்கள் எடுத்தது. இந்த அணியில் அர்ஜுன் நந்தகுமார் 61 ரன்களும், உன்னி முகுந்தன் 41 ரன்களும் எடுத்தனர்.

த்ரில் வெற்றி: 178 ரன்கள் எடுத்தால் வெற்றி என்ற இலக்குடன் களமிறங்கிய பெங்கால் டைகர்ஸ் அணி, முதல் 10 ஓவர்களில் 5 விக்கெட் இழப்பிற்கு 81 ரன்கள் மட்டுமே எடுத்தது. ஆனால் இரண்டாவது இன்னிங்ஸில் அதிரடி ஆட்டத்தை வெளிப்படுத்தி, 10 ஓவர்களில் 5 விக்கெட் இழப்பிற்கு 91 ரன்கள் எடுத்தது. 17வது ஓவரில் பெங்கால் அணி 127/5 என்ற நிலையில் தடுமாறியது. வெற்றிக்கு இன்னும் 51 ரன்கள் தேவைப்பட்டது. இந்த நிலையில் ராகுல் மஜும்தர் அதிரடியாக ஆடி, 11 பந்துகளில் 6 சிக்ஸர்களுடன் 40 ரன்கள் குவித்து ஆட்டத்தின் போக்கை மாற்றினார். இறுதியில் பெங்கால் டைகர்ஸ் அணி 19.4 ஓவர்களில் 178/5 ரன்கள் எடுத்து த்ரில் வெற்றியை பதிவு செய்தது. கேரளா ஸ்ட்ரைக்கர்ஸ் அணியில் சிறப்பாக விளையாடிய கேப்டன் உன்னி முகுந்தன் ஆட்ட நாயகன் விருதை வென்றார். இந்த போட்டியின் இறுதிப் போட்டி நாளை கோயம்புத்தூரில் உள்ள எஸ்என்ஆர் கல்லூரி மைதானத்தில் நடைபெறுகிறது.