ஜன 25-ம் தேதி முதல் நட்சத்திர கிரிக்கெட் சிசிஎல்.. மும்பை, சென்னை, துபாயில் நடக்கிறது

மும்பையில் முதல் போட்டி

மும்பையில் 25ம் தேதி மாலை 3 மணிக்கு சென்னை ரைனோஸ் எனும் தமிழ் நடிகர்கள் அணிக்கும் மும்பை ஹீரோஸ் எனும் இந்தி நடிகர்கள் அணிக்கும் போட்டி நடக்கிறது. அன்றைய தினம் அதே இடத்தில் இரவு 7 மணிக்கு வீரமராத்தி அணியும் போஜ்புரி அணியும் மோதுகின்றன.

பெங்களூரில்

26ம் தேதி கேரள நடிகர்கள் அணியும், தெலுங்கு நடிகர்கள் அணியும் மாலை 3 மணிக்கு பெங்களூரில் மோதுகின்றனர். 7 மணிக்கு கன்னட நடிகர்கள் அணிக்கும், பெங்கால் டைகர்ஸ் அணிக்கும் போட்டி நடக்கிறது.

துபாயில்

பிப்ரவரி 1ம்தேதி துபாயில் இந்தி, தெலுங்கு, மலையாள நடிகர்கள் அணிகள் மோதுகின்றன.

சென்னை

2ம் தேதி சென்னையில் போஜ்புரி, இந்தி, சென்னை, கன்னட நடிகர்கள் அணிகள் மோதுகின்றன. 22ம் தேதி வரை இப்போட்டிகள் நடக்கிறது. 23ம்தேதி இறுதி போட்டி நடக்கிறது.

கேப்டன் விஷால்

தமிழ் நடிகர்கள் அணியில் விஷால், விக்ராந்த், ஜீவா, விஷ்ணு, சிவா, சாந்தனு, பிரித்வி, ஆர்யா, ஸ்ரீகாந்த், ஷாம், பரத், ஜித்தன் ராமேஷ், ரமணா, உதய் போஸ், வெங்கட் சஞ்சய், நிதின் சத்யா, பிரேம்குமார், ஷரண், சுந்தர்ராமு ஆகியோர் இடம்பெற்றுள்ளனர்.