Don't Miss!
- News நாடு ஒற்றுமையாக இருக்க வேண்டுமென்றால் மோடி பேசவே கூடாது.. சென்னையில் மார்க்சிஸ்ட் கட்சி போராட்டம்!
- Automobiles வெள்ளை நிற ஹெட்லைட் போட்ட வண்டிகளுக்கு எல்லாம் அபராதம் போட போறாங்க! அரசு வெளியிட்ட அதிரடி உத்தரவு!
- Sports "இந்தியாவின் ஒரே பாட்ஷா" சச்சினின் 51வது பிறந்தநாள்.. கொண்டாடும் தோனி, விராட் கோலி, ரோகித் சர்மா!
- Finance தங்கம் விலை இறங்கிய வேகத்தில் ஏறியது.. ஒவ்வொரு நிமிடமும் முக்கியம்.. சான்ஸ் மிஸ் பண்ணசடாதீங்க..!
- Technology இதுதாங்க பட்ஜெட்.. ரூ.9999 போதும்.. 12GB ரேம்.. 1TB மெமரி.. 5000mAh பேட்டரி.. 15W சார்ஜிங்.. எந்த மாடல்?
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Lifestyle சுக்கிர பெயர்ச்சியால் இன்று முதல் மே 19 வரை இந்த ராசிக்காரர்களுக்கு சூப்பரா இருக்கப்போகுது...
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
பாசிட்டிவ் விமர்சனம்… மகிழ்ச்சியில் ஹரிஷ் கல்யாண்.. பிரபலங்கள் பாராட்டு மழையில் தாராள பிரபு!
சென்னை: ஹரிஷ் கல்யாண், விவேக், தன்யா ஹோப் நடிப்பில் இன்று வெளியாகி உள்ள தாராள பிரபு படத்தை பார்த்த பல பிரபலங்கள் அந்த படத்தை வாயாற பாராட்டி வருகின்றனர்.
பிக்பாஸ் நிகழ்ச்சிக்கு பிறகு, தனது இரண்டாவது இன்னிங்ஸை தொடங்கி உள்ளார் நடிகர் ஹரிஷ் கல்யாண்.
யுவன் சங்கர் ராஜா தயாரிப்பில் வெளியான பியார் பிரேமா காதல் படத்தைத் தொடர்ந்து, இஸ்பேடு ராஜாவும் இதய ராணியும், தனுசு ராசி நேயர்களே உள்ளிட்ட படங்களை ரசிகர்களுக்கு கொடுத்த நிலையில், தற்போது தாராள பிரபுவாக மாறியுள்ளார்.
இந்தி பட ரீமேக்
கடந்த 2012ம் ஆண்டு பாலிவுட்டில் வெளியான விக்கி டோனர் படத்தின் அதிகாரப்பூர்வ ரீமேக் தான் தாராள பிரபு. பாலிவுட்டில் முன்னணி நடிகராக வலம் வரும் ஆயுஷ்மான் குரானாவின் அறிமுக படமும் இதுதான். சுஜித் சர்கார் இயக்கத்தில் வெளியாகி வெற்றி பெற்ற இந்த படத்தை தற்போது தமிழில் இயக்குநர் கிருஷ்ணா மாரிமுத்து இயக்கி உள்ளார்.
ரொம்ப என்ஜாய் பண்ணேன்
தளபதி விஜய்யின் பிகில் பட தயாரிப்பாளரான அர்ச்சனா கல்பாத்தி, இன்று வெளியாகி உள்ள தாராள பிரபு படத்தை பார்த்து, ரொம்ப ரொம்ப என்ஜாய் பண்ணதாகவும், ஹரிஷ் கல்யாணின் திறமையான நடிப்பு மற்றும் விவேக் சாரின் புத்திசாலித்தனமும் படத்திற்கு வலு சேர்த்துள்ளது. இயக்குநருக்கு வாழ்த்துக்கள் எனக் கூறியுள்ளார்.
சீக்கிரம் பார்க்கிறேன்
நடிகை வரலக்ஷ்மி சரத்குமார், தாராள பிரபு படம் இன்று வெளியான நிலையில், நடிகர் ஹரிஷ் கல்யாணுக்கு தனது வாழ்த்துக்களை தெரிவித்துள்ளார். மேலும், நிச்சயம் படம் செம காமெடியாக இருக்கும் என்றும், சீக்கிரமே தியேட்டருக்கு சென்று படத்தை பார்க்கிறேன் என்றும் பதிவிட்டுள்ளார்.
மூன்று படங்களும்
ட்ரீம் வாரியர்ஸ் பிக்சர்ஸ் நிறுவனத்தின் தயாரிப்பாளரான எஸ்.ஆர். பிரபு, இந்த வாரம் வெளியாகி உள்ள தாராள பிரபு, அசுரகுரு மற்றும் வால்டர் ஆகிய மூன்று படங்களும் வெற்றி பெறட்டும் என வாழ்த்தியுள்ளார். இன்று வெளியாகி உள்ள மூன்று படங்களில் பாசிட்டிவ் விமர்சனங்களுடன் தாராள பிரபு வெற்றிநடை போடுகிறது.