விநாயகர் சதுர்த்தி கொண்டாடிய திரை நட்சத்திரங்கள்..யார் யார் என்ன வாழ்த்து சொன்னாங்க தெரியுமா?

பார்த்திபன்

இயக்குநரும் நடிகருமான பார்த்திபன் தனது ட்விட்டர்பக்கத்தில் "அன்றொரு விநாயகர் சதுர்த்தியன்று நான் "start camera" சொல்ல, இன்றுவரை Single shot ஆக நில்லாமல் ஓடிக்கொண்டிருக்கிறது! Non linear-ஆக புற வெற்றிகள் முன் பின் வந்து போன வண்ணம் இருக்க, மனம் என்னவோ எண்ணியதை(உலகின் முதல் முயற்சி இரவின் நிழல்)செய்து அதற்கு இளைஞர்களிடம் கிடைத்த வரவேற்பு.

வாழ்த்துக்கள்

globally கிடைக்கும் விருதுகள் என மகிழ்ந்தே நிறைகிறது. குடைக்குள் V.நாயகரை சுமந்து வந்ததும், மூன்றாம் நாள் கடலில் கரைக்க மனமழுத இளம் பருவம் கண்முன்னே கரையாமல்,கரையாத பிள்ளையாரை செதுக்கி தந்துவிட்டு சென்ற சிற்பி திரு பாஸ்கருக்கு நன்றி கொண்டாடுபவர்கள் மகிழ்ச்சியில் திண்டாட வாழ்த்துகள்" என பதிவிட்டுள்ளார்.

கீர்த்தி சுரேஷ்

நடிகை கீர்த்தி சுரேஷ் தனது வீட்டு வாசலில் இருக்கும் விநாயகரை வழிபாடும் புகைப்படத்தை வெளியிட்டு மக்களுக்கு விநாயகர் சதுர்த்தி வாழ்த்து தெரிவித்துள்ளார்.

சிரஞ்ஜீவி

தெலுங்கு திரையுலகின் மெகா சூப்பர் ஸ்டாரான சிரஞ்சீவி, தனது குடும்பத்துடன் விநாயர் சதுர்த்தி விழாவை கோலாகலமாக கொண்டாடி உள்ளார். அந்த புகைப்படங்கள் இணையத்தில் வலம் வருகிறது. மேலும் அவர் தனது ட்விட்டரில் அனைவருக்கும் விநாயக சதுர்த்தி வாழ்த்துக்கள். அனைவரின் வாழ்க்கையிலும் பிரச்சனைகள் நீங்கி வெற்றிகள், சுக சந்தோஷங்கள் ஏற்பட பிரார்த்திக்கிறேன் என பதிவிட்டுள்ளார்.

மகத்

சிம்பு நடித்த வல்லவன் மற்றும் காளை திரைப்படத்தின் மூலம் தமிழ் சினிமாவில் அறிமுகமான நடிகர் மகத். பிக்பாஸ் நிகழ்ச்சியில் கலந்து பட்டிதொட்டி எங்கும் பிரபலமானார். இவர் தனது மனைவி பிராச்சி மற்றும் தனது மகனுடன் விநாயகர் சதுர்த்தியை கொண்டாடினார்.

ஹரிஷ்கல்யாண்

பிக் பாஸ் நிகழ்ச்சியின் மூலம் பிரபலமான ஹரிஷ் கல்யாண் தற்போது டீசல் படத்தில் நடித்து வருகிறார். இத்திரைப்படத்தின் பர்ஸ்ட் லுக் போஸ்டர் வெளியாகி பெரும் வரவேற்றை பெற்றது. விநாயகர் சதுர்த்தி தினமான இன்று தனது வீட்டில் களிமண்ணால் ஆன பிள்ளையார் சிலையை வாங்கி இந்நாளை கொண்டாடி உள்ளார்.

சாக்ஷி அகர்வால்

விதவிதமான புகைப்படத்தை பகிர்ந்து இணையத்தை திணறடிக்கும் சாக்ஷி அகர்வால், தீயவை அழித்து நல்லவை செழித்து வளர உங்கள் அனைவருக்கும் எனது இனிய விநாயகர் சதுர்த்தி நல்வாழ்த்துக்கள் என பகிர்ந்துள்ளார்.

அதுல்யா ரவி

கணிசமான படங்களில் நடித்து வரும் அதுல்யா ரவி தனது ட்விட்டர் பக்கத்தில் விநாயர் சிலை அருகில் இருக்கும் புகைப்படத்தை பகிர்ந்து அனைவருக்கும் வாழ்த்து தெரிவித்துள்ளார்.

கோலாகல கொண்டாட்டம்

கொரோனா அச்சுறுத்தல் காரணமாக கடந்த இரு ஆண்டுகளாக சரிவர கொண்டாடப்படாமல் இருந்த இந்த பண்டிகை இந்த ஆண்டு சீரும் சிறப்புமாக கொண்டாடப்பட்டு வருகிறது. வீட்டில் விநாயகர் சிலை வாங்கி வைத்து அதனை தரிசித்து கொண்டாடி வருகின்றனர். குறிப்பாக, மராட்டிய மாநிலத்தில் விநாயகர் சதுர்த்தி விழா கோலாகலமாக கொண்டாடப்பட்டு வருகிறது.