ரொம்பவே துக்கமான செய்தி... கிரேட் கொரியோகிராஃபர்... டான்ஸ் மாஸ்டர் சிவசங்கர் மறைவு... பிரபலங்கள் உருக்கம்!

குடும்பத்தினருக்கு கொரோனா

கொரோனா தொற்றால் அவரது நுரையீரல் பெரிதும் பாதிக்கப்பட்டிருப்பதாக தகவல் வெளியானது. அவரது மூத்த மகனும் கொரானாவால் பாதிக்கப்பட்டு அதே மருத்துவமனையில் அனுமதிக்கப்பட்டிருந்தார். இளைய மகன் அஜய் கிருஷ்ணா உடனிருந்து கவனித்து வந்தார்.

சிகிச்சைப் பலனின்றி மரணம்

இதற்கிடையே சிவசங்கர் மாஸ்டரின் சிகிச்சைக்கு தேவையான பணத்தை கட்டமுடியாமல் அவரது குடும்பம் கஷ்டப்படுவதாக தகவல் வெளியானது. இதையடுத்து நடிகர்கள் சிரஞ்சீவி, தனுஷ், சோனு சூட் ஆகியோர் உதவி செய்தனர். இந்நிலையில் சிவ சங்கர் மாஸ்டர் நேற்று இரவு சிகிச்சை பலனின்றி உயிரிழந்தார்.

நடிகை வனிதா பிரபலங்கள்

அவரது மறைவுக்கு தமிழ் மற்றும் தெலுங்கு சினிமா பிரபலங்கள் பலரும் இரங்கல் தெரிவித்து வருகின்றனர். அந்த வகையில் நடிகை வனிதா விஜயகுமார் தனது டிவிட்டர் பக்கத்தில் இரங்கல் செய்தியை வெளியிட்டுள்ளார். இதுதொடர்பாக அவர் பதிவிட்டுள்ள டிவிட்டில் தானும் நடிகர் விஜய்யும் ஜோடியாக இணைந்து நடித்த சந்திரலேகா படத்தில் இடம்பெற்ற அல்லா உன் ஆணைப்படி பாடலுக்கு சிவசங்கர் மாஸ்டர் கொரியோகிராஃப் செய்ததை நினைவு கூர்ந்துள்ளார். மேலும் அவரது மரணம் உலுக்கும் செய்தி என்றும் நெஞ்சை பதற வைக்கிறது என பதிவிட்டுள்ளார்.

நந்திதா ஸ்வேதா

இதேபோல் நடிகை நந்திதா ஸ்வேதா பதிவிட்டுள்ள டிவிட்டில் எவ்வளவு துக்கமான செய்தியை கேட்டுள்ளேன். இந்த லெஜன்ட்டுடன் இரண்டு படங்களில் பணிபுரிந்துள்ளேன். உங்களிடம் இருந்து நிறைய கற்றுள்ளேன் மாஸ்டர் என பதிவிட்டு இரங்கல் தெரிவித்துள்ளார்

நடிகர் கோபிச்சந்த்

இதேபோல் தெலுங்கு நடிகர் கோபிச்சந்த் பதிவிட்டுள்ள டிவிட்டில், உங்கள் ஆன்மா சாந்தியடையட்டும் சிவசங்கர் மாஸ்டர்... அவரிடம் உதவி இயக்குநராக பணியாற்றியுள்ளேன்... கிரேட் கொரியோகிராஃபர் என குறிப்பிட்டு தனது இரங்கலை பதிவு செய்துள்ளார்

நடிகை ஐஸ்வர்யா ராஜேஷ்

நடிகை ஐஸ்வர்யா ராஜேஷ் பதிவிட்டுள்ள இரங்கல் டிவிட்டில், பிரபல நடன இயக்குனர் சிவசங்கர் மாஸ்டர் மறைவு செய்தி கேட்டு ஆழ்ந்த வருத்தம் அடைந்தேன். ஒரு அற்புதமான ஆன்மா, அவர் எப்போதும் எனக்கு ஒரு தூணாக இருந்தார். அவரது நண்பர்கள் மற்றும் குடும்பத்தினருக்கு எனது ஆழ்ந்த அனுதாபங்கள். இந்த மாபெரும் இழப்பை தாங்கும் சக்தியை இறைவன் அவர்களுக்கு வழங்க வேண்டும் என பதிவிட்டுள்ளார்.

நடிகர் புரபு தேவா

இதேபோல் நடிகரும் நடன இயக்குநரும், திரைப்பட இயக்குநருமான பிரபு தேவா பதிவிட்டுள்ள டிவிட்டில், சிவசங்கர் மாஸ்டர்ஜியின் மறைவு செய்தி கேட்டு இதயம் உடைந்துவிட்டது. ஆழ்ந்த அனுதாபங்கள், அவரது ஆன்மா சாந்தியடையட்டும் என குறிப்பிட்டுள்ளார்.