பிரபலங்களின் புத்தாண்டு வாழ்த்து…தமிழில் வாழ்த்து சொன்னார் ராம் சரண்

இந்திய பிரதமர் வாழ்த்து

உலகெங்கிலும் உள்ள தமிழ் மக்கள் உற்சாகத்துடன் தமிழ் புத்தாண்டு தினத்தை கொண்டாடி வரும் நிலையில் இந்திய பிரதமர் நரேந்திர மோடி தமிழ் பேசும் மக்களுக்கு புத்தாண்டு வாழ்த்துக்கள் தெரிவித்துள்ளார் அதில் " அனைவருக்கும் புத்தாண்டு வாழ்த்துக்கள். குறிப்பாக எனது தமிழ் சகோதர சகோதரிகளுக்கு வரும் புத்தாண்டு வெற்றிகளையும் சந்தோசங்களையும் தரட்டும். அனைத்து லட்சியங்களும் நிறைவேறட்டும் அனைவரும் ஆரோக்கியமாக மகிழ்வோடு இருக்க வாழ்த்துக்கள் " என தமிழில் வாழ்த்து தெரிவித்துள்ளார்.

சூர்யாவின் புத்தாண்டு வாழ்த்து

நடிகர் சூர்யா தற்போது இயக்குனர் பாலா படத்தில் நடித்து வருகிறார். அதோடு வெற்றிமாறன் அடுத்து இயக்கும் வாடிவாசல் படத்துக்காக தன்னை தயார்படுத்தி வருகிறார். வாடிவாசல் படத்தில் காளையுடன் இருக்கும் கதைக்களம் என்பதால் ஒரு குறிப்பிட்ட காளையுடன் பல மாதங்கள் பழகி வருகிறார். அதனுடன் ஒரு குறிப்பிட்ட நேரத்தை செலவிட்டு வருகிறார். இன்று அந்த காளையுடன் நடை பயணம் செய்தபடி நடிகர் சூர்யா மக்களுக்கு தமிழ் புத்தாண்டு வாழ்த்து தெரிவித்து வீடியோ ஒன்றை பதிவிட்டுள்ளார் மிகவும் எளிமையாக காணப்படும் சூர்யாவின் வீடியோவை அவர் ரசிகர்கள் வலைத்தளங்களில் பகிர்ந்து வருகின்றனர்.

ராம்சரன் வாழ்த்து

ராஜமௌலி இயக்கிய RRR படம் உலகம் முழுக்க ரிலீஸாகி ஆயிரம் கோடி வசூல் செய்து இன்னும் திரையரங்கில் ஓடிக்கொண்டிருக்கிறது. RRR படத்தின் கதாநாயகர்களில் ஒருவரான நடிகர் ராம்சரண் தமிழ் மக்களுக்கு தனது டுவிட்டர் பக்கத்தில் வாழ்த்து தெரிவித்துள்ளார். அதில் " உலகெங்கிலும் வாழும் எனதருமை தமிழ் சகோதர சகோதரிகளுக்கு இனிய புத்தாண்டு வாழ்த்துக்கள். சுபகிருது வருடம் தங்கள் வாழ்வில் அனைத்து நலன்களையும் சேர்க்க வேண்டுகிறேன் என குறிப்பிட்டுள்ளார்.

Filmibeat நேயர்களுக்கு பிரபலங்களின் புத்தாண்டு வாழ்த்துக்கள்

தமிழர்கள் சிறப்புற கொண்டாடும் புத்தாண்டு நாளில் Filmibeat நேயர்களுக்கு பிரபலங்கள் பலரும் வாழ்த்துகளைத் தெரிவித்து வருகின்றனர். அதில் குறிப்பிடும்படியாக மிர்ச்சி சிவா, விக்ரம் பிரபு, எம்எஸ் பாஸ்கர், அம்மு அபிரமி , வர்ஷா பொல்லம்மா போன்ற பிரபலங்கள் தங்களது புத்தாண்டு வாழ்த்துக்களை Filmibeat tamil பார்வையாளர்களுக்கு தெரிவித்துள்ளனர்.