சில்க் பற்றிய பட ட்ரெயிலருக்கு சென்சாரில் வெட்டு!

சில்க் ஸ்மிதாவின் வாழ்க்கையை மையப்படுத்தி எடுக்கப்பட்டு வரும் தி டர்ட்டி பிக்டர் படத்தின் ட்ரெயிலரில் சில காட்சிகள் ஆட்சேபணைக்குரியதாக இருப்பதாகக் கூறி, கத்தரி போட்டுள்ளது தணிக்கைக் குழு.

சில்க் ஸ்மிதா வேடத்தில் வித்யா பாலன் நடிக்க, ஏக்தா கபூர் தயாரித்துள்ள படம் தி டர்ட்டி பிக்சர்.

இந்தப் படத்தின் இரண்டாவது ட்ரெயிலர் சமீபத்தில் தணிக்கைக்கு அனுப்பப்பட்டது. இதில் ஆட்சேபனைக்குரிய வகையில் சில காட்சிகள் இடம்பெற்றுள்ளதாகக் கூறி, அவற்றை நீக்குமாறு கூறியுள்ளது தணிக்கைக் குழு.

வித்யா பாலனும் நஸ்ருதீன் ஷாவும் காருக்குள் நெருக்கமாக இருக்கும் காட்சி, நஸ்ருதீன் ஷாவின் சில வசனங்கள் ஆபாசமாக உள்ளதாக தணிக்கைக் குழு குறிப்பிட்டுள்ளது.

ஆனால், தணிக்கைக்கு உட்படுத்தப்படும் முன்பே இந்த ட்ரெயிலர் மீடியாவில் உலாவர ஆரம்பித்துவிட்டது குறிப்பிடத்தக்கது.