Don't Miss!
- News 4 மணி வரை உக்கிரமா இருப்பேன்! சுட்டெரிக்கும் வெயில்..வயதானவர்களுக்கு வார்னிங்! எப்போது வாக்களிப்பது?
- Finance பேடிஎம் UPI ஐடிகள், புதிய வங்கிகளுக்கு மாற்றம்.. RBI அதிரடி அறிவிப்பு!
- Technology இப்படியொரு புரொஜெக்டர் யாரும் பார்த்ததில்லை.. 32GB மெமரி.. 1080P ரெசல்யூஷன்.. எந்த மாடல்? என்ன விலை?
- Lifestyle தினமும் 10 பவுன் தங்கத்தை தூசியாக உமிழும் அதிசய எரிமலை... இந்த எரிமலையா இல்ல தங்கச்சுரங்கமானே தெரிலயே...!
- Automobiles ஹெல்மெட் போடாமல் பைக்கில் போன விஜய் சேதுபதி! ஓட்டு போட வந்த இடத்தில் மானமே போச்சு!
- Travel சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்!
- Sports "மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
மோடியின் குழந்தை பருவ கதையை சொல்லும் சலோ ஜீத் ஹைன் - தேசிய விருது
சென்னை: சலோ ஜீத் ஹைன் குறும்படத்திற்கு தேசிய விருது கிடைத்துள்ளது. பிரதமர் நரேந்திர மோடி தனது குழந்தை பருவத்தில் தன் முன் இருந்த கடுமையான பாதைகளை எப்படி வெற்றிப் படிக்கற்களாக மாற்றினார் என்பதை கூறியுள்ளனர். இந்த வெற்றியை பகிரும் வகையில் தமிழகத்தில் இத்திரைப்படத்தை திரையிட உறுதுணையாக இருந்த அனைவருக்கும் டிவோ நிறுவனம் நன்றி தெரிவித்துள்ளது.
பிரதமர் நரேந்திர மோடி படத்தில் விவேக் ஓபராய் நடித்திருக்கிறார். அதில் பிரதமராக அவர் எப்படி உயர்ந்தார் என்பதை படம் பிடித்து காட்டுகிறது. அதே போல நரேந்திர மோடியின் குழந்தை பருவத்தை சொல்லும் வாழ்க்கை வரலாறு சலோ ஜீத் ஹைன் எனும் குறும்படமாக 2018ஆம் ஆண்டில் வெளியிடப்பட்டது. மஹாவீர் ஜெயின் மற்றும் பூஷன் குமார் தயாரிப்பில் மங்கேஷ் ஹடவாலே எழுதி இயக்கியுள்ளனர்.
சுமார் 32 நிமிடத்திற்கு நீடிக்கும் இந்த குறும்படத்தில் சுவாமி விவேகானந்தரின் தத்துவங்களால் ஈர்க்கப்பட்டு வாழ்க்கையை கண்டறியும் ஒரு சிறுவனின் நோக்கத்தை மையமாக வைத்து எடுக்கப்பட்டுள்ளது. அவன் வாழ்வில் உண்மையை கண்டறிவதற்காக மேற்கொள்ளும் பயணத்தைப் பற்றின கதை இது.
இதில் 25% கற்பனை படைப்பு ஆனால் 75 சதவிகிதம் உண்மையாக மோடி அவர்களின் வாழ்வில் நிகழ்ந்த உண்மைச் சம்பவம். இப்படத்தில் தேவ் மோடி, தீப்தி, ராஜீவ் சக்சேனா, டைரியா தர்ஜி, தீப்தி அவ்லான் மற்றும் கின்னஸ் பக்ரு ஆகியோர் முக்கிய கதாபாத்திரத்தில் நடித்துள்ளனர்.
சமீபத்தில் சலோ ஜீத் ஹைன் குறும் படம் தேசிய குடும்ப நல படத்திற்கான விருதை பெற்றுள்ளது குறிப்பிடத்தக்கது. இப்படத்தின் வெற்றியை தொடர்ந்து தமிழிலும் இந்த குறும்படம் வெளியிடப்பட்டது. இதைத் தொடர்ந்து இந்த குறும்படத்தின் வெற்றியை பகிரும் வகையில், இந்த குறும்படத்தை தமிழகத்தில் திரையிடுவதற்கு பெரும் பங்களித்த டிவோ நிறுவனம், இந்த வெற்றிக்கு உறுதுணையாக இருந்த அனைவருக்கும் நன்றி தெரிவித்துள்ளது.
மேலும் இப்படம் தமிழகம் முழுவதும் விநியோகிப்பதற்கு உறுதுணையாக இருந்த லைக்கா புரொடக்ஷன்ஸ் மகாவீர் ஜெயின் மற்றும் ஆனந்த்.எல்.ராய் ஆகியோருக்கும் ஒவ்வொரு மூலை முடுக்கிலும் இந்த குறும்படத்தை கொண்டு செல்ல உதவிய திரு திருமதி கிருஷ்ணமூர்த்தி அவர்களுக்கு மனமார்ந்த நன்றிகளை தெரிவித்துக்கொண்டார்.
இந்த குறும்படத்தின் மூலம் நரேந்திர மோடி அவர்கள் கடந்து வந்த கடுமையான பாதைகளை அவர் எப்படி வெற்றிப் படிக்கற்களாக மாற்றினார் என்பதை பற்றி அறிந்து கொள்ளலாம்.