Don't Miss!
- Finance ஐசிஐசிஐ வங்கி கஸ்டமரா நீங்க.. மொபைல் ஆப்-ல் கோளாறு.. கிரெடிட் கார்டு தரவுகள் திருடுபோகும் அச்சம்!!
- Lifestyle சர்க்கரை நோயாளிகள் சிக்கன் சாப்பிடலாமா? அப்படி சாப்பிட்டா என்ன நடக்கும் தெரியுமா? எப்படி சாப்பிடணும் தெரியுமா?
- Automobiles புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- News நேருவும், இந்திராவும் முட்டாள்கள் இல்லை.. பாஜகவின் மொழி கொள்கைக்கு ஜேஎன்யு துணைவேந்தர் எதிர்ப்பு
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
கேங்ஸ்டரும் போலீஸும்.. தோட்டாக்கள் தெறிக்க, தெறிக்க வெளியானது ‘செக்கச்சிவந்த வானம்’ டிரெய்லர்!
மணிரத்னம் இயக்கியுள்ள செக்க சிவந்த வானம் படத்தின் டிரெய்லர் வெளியாகியுள்ளது.
சென்னை: அரவிந்த்சாமி, அருண் விஜய், சிம்பு,விஜய் சேதுபதி நடிப்பில் மணிரத்னம் இயக்கியுள்ள செக்கச் சிவந்த வானம் படத்தின் டிரெய்லர் வெளியாகியுள்ளது.
மணிரத்னம் இயக்கத்தில் அரவிந்த்சாமி, அருண் விஜய், சிம்பு,விஜய் சேதுபதி, பிரகாஷ் ராஜ், ஜோதிகா, அதிதி ராவ், ஐஸ்வர்யா ராஜேஷ் உள்ளிட்டோர் நடித்துள்ள படம் 'செக்கச் சிவந்த வானம்'. இப்படத்திற்கு ஏ.ஆர்.ரகுமான் இசையமைத்துள்ளார். சந்தோஷ் சிவன் ஒளிப்பதிவு செய்ய ஸ்ரீகர் பிரசாத் எடிட்டிங் செய்துள்ளார்.
முன்னணி நடிகர்கள் பலரும் நடித்துள்ளதால் இப்படத்தின் எதிர்பார்ப்பு எக்கச்சக்கமாக எகிறியுள்ளது. இந்நிலையில் இப்படத்தின் டிரெயிலர் வெளியாகியுள்ளது. அதை பார்க்கும் போதே, இந்த படம் தளபதி, நாயகன் போல மணிரத்னத்தின் தெறிக்கவிடும் ஆக்ஷன் படம் என்பது தெளிவாகிறது.
தாதா கதை:
டிரெய்லரில் இடம்பெற்றுள்ள காட்சிகளின் படி, சேனாபதியாக நடித்துள்ள பிரகாஷ்ராஜ் ஒரு பெரிய தாதா. அவரது மூத்த மகன் அரவிந்த்சாமி, இரண்டாவது மகன் அருண் விஜய், கடைக்குட்டி சிம்பு. வரதனாக நடித்துள்ள அரவிந்த்சாமிக்கு ஜோடி ஜோதிகா. தியாகுவாக வரும் அருண் விஜய்க்கு ஜோடி ஐஸ்வர்யா ராஜேஷ். கடைக்குட்டியாக வரும் சிம்புவின் பெயர் எத்திராஜ். அதிதி ராவுக்கும் அரவிந்த் சாமிக்கும் இடையே கள்ள தொடர்பு இருப்பது போன்ற காட்சிகள் டிரெய்லரில் இடம்பெற்றுள்ளன.
வில்லன்:
போலீஸ் அதிகாரி ரசூல் கதாபாத்திரத்தில் நடித்திருக்கிறார் விஜய்சேதுபதி. அனேகமாக படத்தின் வில்லனும் விஜய் சேதுபதிதான் போல. படத்தில் இவருக்கு ஜோடி இருப்பது போன்ற காட்சிகள் டிரெய்லரில் இல்லை.
மாடர்ன் வெர்ஷன்:
டிரெய்லரை பார்க்கும் போது, காட்பாதர் படத்தின் மாடர்ன் வெர்ஷன் போல தெரிகிறது. மார்லன் பிராண்டோ போல சேனாபதி பிரகாஷ் ராஜ் ஒரு பெரிய மாஃபியா தலைவராக வருகிறார். அவருக்கு மூன்று மகன்கள் என பெரிய குடும்பம்.
ஆக்சன் காட்சிகள்:
படம் முழுக்க தெறிக்கவிடும் ஆக்சன் இடம் பெற்றிருக்கும் போல. அதேபோன்று மணிரத்னத்தின் டிரேட் மார்க் ரொமான்ஸ் காட்சிகளுக்கும் பஞ்சமிருக்காது என்றே டிரெய்லரைப் பார்க்கும் போதே தோன்றுகிறது. சமீபமாக மணிரத்னம் ஓகே கண்மணி, காற்றுவெளியிடை என மிகவும் சாஃப்ட்டான படங்களையே தந்தார். ஆனால் இதிலிருந்து வேறுபட்டு செக்கச்சிவந்த வானம் இருக்கும் எனத் தெரிகிறது.
எதிர்பார்ப்பு :
இது நாயகன், தளபதி ரேஞ்சில் ஆக்ஷன் பிளாக் பஸ்டர் படமாக எடுக்கப்பட்டுள்ளது. நட்பு, துரோகம், பாசம், அண்ணன் தம்பி சென்டிமெண்ட் என ரசிகர்களுக்கு பல்சுவை விருந்தாக இந்த 'செக்க சிவந்த வானம்', இருக்கும் என எதிர்பார்க்கலாம்.