ஆடியோ நிறுவனம் ஆரம்பித்த சேரன்!

பிரபல இயக்குநர் சேரன் சொந்தமாக ஆடியோ நிறுவனம் ஆரம்பித்துள்ளார்.

இயக்குநர் சேரன் ட்ரீம் ஒர்க்ஸ் எனும் பெயரில் படங்கள் தயாரித்து வருகிறார் சேரன். இப்போது ஜேகே எனும் நண்பனின் வாழ்க்கை என்ற படத்தை தயாரிக்கிறார். இதில் சர்வானந்த், நித்யா மேனன், சந்தானம் நடிக்கிறார்கள். ஜிவி பிரகாஷ் குமார் இசையமைக்கிறார்.

இந்தப் படத்தின் இசையை ட்ரீம் சவுண்ட்ஸ் எனும் தன் சொந்த நிறுவனம் மூலம் வெளியிடுகிறார்.

சொந்தப் படம் தவிர, வெளிப்படங்களின் இசையையும் ட்ரீம் சவுண்ட்ஸ் மூலம் வெளியிடத் திட்டமிட்டுள்ளார்.

நடிகை ரோகிணி இயக்கி வரும் அப்பாவின் மீசை படத்தின் இசையை ட்ரீம் சவுண்ட்ஸ் வெளியிடும் என அறிவித்துள்ளார் சேரன்.

ஏற்கெனவே புத்தகங்களை வெளியிட ஒரு பதிப்பகத்தையும் சேரன் ஆரம்பித்திருப்பது நினைவிருக்கலாம்.